الماتى اكىمى جۇمىسسىز رەجىمنىڭ 13- ساۋىرگە دەيىن ۇزارتىلعانىن ەسكە سالدى
الماتى قالاسى اكىمدىگىنىڭ باسپا ءسوز قىزمەتىنىڭ حابارلاۋىنشا، مۇنداي شەشىمدى ق ر پرەزيدەنتى جانىنداعى توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيا قابىلدادى.
«جاڭا اپتانىڭ قارساڭىندا مەملەكەتتىك كوميسسيانىڭ شەشىمىمەن قالانىڭ تىنىس-تىرشىلىگىن قامتاماسىز ەتپەيتىن بارلىق كاسىپورىندار مەن ۇيىمدار ءۇشىن جۇمىسسىز رەجىم 13- ساۋىرگە دەيىن ۇزارتىلدى. ءوزىن-ءوزى وقشاۋلاۋ رەجىمىن ساقتاڭىزدار. پوليتسيا دەپارتامەنتىنە باقىلاۋدى كۇشەيتۋدى تاپسىرامىن»، - دەپ جازدى قالا اكىمى Twitter- دەگى پاراقشاسىندا.
بۇل رەجيم ادامدار مەن جەكە كولىكتىڭ قالا ىشىندە قاجەتتىلىكسىز ءجۇرىپ-تۇرۋىنا تىيىم سالۋدى كوزدەيدى. ازىق-تۇلىك پەن ءدارى-دارمەكتى الۋعا تۇرعىلىقتى جەرگە جاقىن ورنالاسقان دۇكەندەر مەن ءدارىحاناعا شىعۋعا رۇقسات ەتىلەدى. سونداي-اق، ءۇي جانۋارلارىن سەرۋەندەتۋگە رۇقسات بار.
65 جاستان اسقان تۇرعىندارعا دالاعا شىعۋعا بولمايدى. سونداي-اق كامەلەتكە تولماعانداردىڭ قالادا ەرەسەكتەرسىز جۇرۋىنە رۇقسات جوق.
ازىق-تۇلىك، ءدارى-دارمەك جانە ءبىرىنشى كەزەكتەگى قاجەتتى زاتتاردى جەتكىزۋ قىزمەتتەرى 09.00 دەن 22.00 گە دەيىن جۇمىس ىستەيدى. بۇل رەتتە بارلىق ۇيىمدار، كاسىپورىندار مەن قالالىق قىزمەتتەر جۇمىسقا تارتقان قىزمەتكەرلەرىنىڭ سانيتارلىق جاعىنان قورعالۋىن كۇشەيتىلگەن رەجىمدە قامتاماسىز ەتۋى ءتيىس.
توتەنشە جاعداي رەجىمىن بۇزعانى جانە كوشەدە سەبەپسىز جۇرگەنى ءۇشىن ەسكەرتۋ، 26510 تەڭگە كولەمىندە ايىپپۇل نەمەسە 15 تاۋلىككە باس بوستاندىعىنان ايىرۋ تۇرىندەگى اكىمشىلىك جازا قاراستىرىلعانىن اتاپ وتكەن ءجون.
مەنشىك نىسانىنا قاراماستان ۇيىمدار مەن كاسىپورىنداردىڭ باسشىلارى كورىنەۋ جالعان اقپارات بەرگەنى، سونداي-اق قىزمەتكەرلەرگە انىقتاما جانە وندىرىستىك نەمەسە قىزمەتتىك قاجەتتىلىكتەن تۋىنداماعان قىزمەتكەرلەردىڭ قوزعالۋى تۋرالى دەرەكتەر بەرگەنى ءۇشىن قىلمىستىق جاۋاپقا تارتىلادى.
شەكتەۋ قالالىق باسقارۋ ورگاندارىنا، ازىق-تۇلىك، مەديتسينالىق نىساندارعا، قالانىڭ ۇزدىكسىز تىنىس-تىرشىلىگىن جانە قاۋىپسىزدىگىن قامتاماسىز ەتەتىن قىزمەتتەر مەن ب ا ق- قا قولدانىلمايدى. الماتى قالاسى پوليتسيا دەپارتامەنتىنىڭ مالىمەتى بويىنشا، توتەنشە جاعداي رەجىمىن بۇزعانى ءۇشىن اعىمداعى جىلدىڭ 19- ناۋرىزىنان باستاپ 336 ادام ق ر ا ق ب ت ك- ءنىڭ 476-بابى بويىنشا اكىمشىلىك جاۋاپكەرشىلىككە تارتىلدى، ونىڭ 113 ءى سوت شەشىمىمەن اكىمشىلىك قاماۋعا الىنسا، قالعاندارىنا ايىپپۇل سالىندى.
اعىمداعى جىلدىڭ 5- ساۋىرىندەگى مالىمەتتەر بويىنشا، الماتىدا COVID-2019 جۇقتىرۋدىڭ 116 وقيعاسى زەرتحانالىق تۇردە راستالدى. اعىمداعى جىلدىڭ 5- ساۋىرىندە ساعات 20.00 دەگى جاعداي بويىنشا قالادا كوروناۆيرۋستىق ينفەكتسيانى جۇقتىرۋ وشاعىنىڭ 33 ايماعى بار. ينكۋباتسيالىق كەزەڭنىڭ اياقتالۋىنا بايلانىستى وشاقتىڭ 14 ايماعىنان شەكتەۋ شارالارى الىنىپ تاستالدى.
سۋىق تيۋ بەلگىلەرى پايدا بولعان جاعدايدا 103 كە قوڭىراۋ شالىڭىز. انىقتاما ءۇشىن 1406 call-ورتالىق جانە 1308 ءنومىرى بويىنشا Open Almaty قوعامدىق قابىلداۋى جۇمىس ىستەيدى.