قىزىلوردا وبلىسىنىڭ اكىمى ءبىر كۇندە 13 اۋىلدىڭ تۇرعىندارىمەن كەزدەستى
ايدارلى اۋىلى - سىرداريا اۋدانىنداعى شالعاي جاتقان ەلدى مەكەننىڭ ءبىرى. اۋىلدا ءبىرقاتار پروبلەما بار. ەمحانا ەسكىرگەن. بالاباقشا باراتىن سابيلەر سانى كوبەيۋىنە بايلانىستى قوسىمشا ەكى توپ اشۋ قاجەتتىلىگى تۋىنداپ وتىر. تۇرعىندارمەن جۇزدەسۋ بارىسىندا وبلىس باسشىسى ەمحانانى جاڭارتۋعا نازار اۋدارىلاتىنىن جەتكىزدى.
ودان كەيىن وبلىس اكىمى اۋدانعا قاراستى جەتىكول، امانكەلدى، قوعالىكول، شىركەيلى اۋىلدارىندا بولدى. بەسارىق اۋىلدىق وكرۋگىندەگى «اباي داۋلەت» ج ش س جۇمىسىمەن تانىستى. تۇرعىندارمەن كەزدەسۋ بارىسىندا ايماق باشىسى اۋىلدا كاسىبىن جۇرگىزىپ، ەلدى ەڭبەكپەن قامتىپ، اۋىلدى كوركەيتۋگە اتسالىسىپ وتىرعان شارۋاشىلىق يەلەرىنە ريزاشىلىعىن ءبىلدىردى.
وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى ەرجان ءابدىقالىقوۆتىڭ ايتۋىنشا، وبلىستىق بيۋدجەتتەن بولىنگەن 215 ميلليون تەڭگەگە بەسارىق اۋىلىنا كىرەبەرىس جولدى جوندەۋ بيىلعى قىركۇيەك- قازان ايلارىندا تولىعىمەن اياقتالادى دەپ جوسپارلانىپ وتىر. رەسپۋبليكالىق بيۋدجەتتەن اۋەجايدان باستاپ قوعالىكول مەن شىركەيلى اۋىلدارىنا دەيىنگى جولدى جوندەۋگە 380 ميلليون تەڭگە بولىنگەن.
ايماق باسشىسى شاعان، ىڭكارداريا، اقجارما، قالجان احۋن، س. سەيفۋللين، ا. توقماعامبەتوۆ اۋىلدىق وكرۋگتەرىنىڭ دە تۇرعىندارمەن كەزدەستى.