قازگيدرومەت: جەلتوقساننىڭ 13 ى كۇنگى اۋا رايى بولجامى
كاسىپورىن تاراتقان اقپاراتتارعا قاراعاندا، 13-جەلتوقسان كۇنى رەسپۋبليكانىڭ كەيبىر اۋماقتارىندا جاۋىن- شاشىن بولادى، ال كەي جەرلەرىندە جاۋىن- شاشىن، قار مول كولەمدە تۇسەدى.
تەك قازاقستاننىڭ شىعىسى انتيتسيكلون جوتاسىنىڭ ىقپالىندا بولعاندىقتان، كۇن جاۋىن- شاشىنسىز بولادى. رەسپۋبليكامىزدىڭ كەي جەرلەرىندە تۇمان ءتۇسىپ، كوكتايعاق بولىپ، جەل كۇشەيەدى، بۇرقاسىن بولادى.
اقمولا، قوستاناي، قاراعاندى، پاۆلودار وبلىستارىنىڭ كەي جەرلەرىندە بۇرقاسىن، تۇمان، كوكتايعاق بولىپ، جەل سەكۋندىنا 15-20 مەتر جىلدامدىقپەن سوعادى.
سولتۇستىك قازاقستان وبلىسىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى سەكۋندىنا 15-20 مەترگە جەتەدى، تۇندە بۇرقاسىن، كوكتايعاق بولادى.
جامبىل، تۇركىستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەل 15-20 م/س جىلدامدىقپەن ۇيتقيدى.
تۇركىستان وبلىسىندا كۇندىز ەكپىنى 25 م/س جەل سوعادى.