+7 (701) 759 90 19
-2 °С : نۇر-سۇلتان
-5 °С : الماتى
USD 377.86 EUR 418.74
RUB 6.10 CNY 54.50
جاڭالىقتار

قىزىلوردالىق ەرلى-زايىپتىلار ۇيلەنۋ تويىن 13 جىلدان كەيىن جاسادى

9 جەلتوقسان 09:28
:ءبولىسۋ
قىزىلوردالىق ەرلى-زايىپتىلار ۇيلەنۋ تويىن 13 جىلدان كەيىن جاسادى

قىزىلوردا. قازاقپارات - قىزىلوردا قالاسىندا ەرەكشە توي بولىپ ءوتتى. ەرلى- زايىپتى تالعات امانجولوۆ پەن ماحاببات قالىبايەۆا ۇيلەنۋ تويىن 13 جىلدان كەيىن جاسادى، دەپ حابارلايدى قازاقپارات ءتىلشىسى.

ەرلى-زايىپتىلار 2006 -جىلى وتاۋ كوتەرگەن بولاتىن. ول ۋاقىتتا تالعات 21، ماحاببات 17 جاستا ەكەن. ەكەۋى دوستارىنىڭ تويىندا تانىسىپ، ءبىر-ءبىرىن ۇناتىپ قالادى. كوپ ۇزاماي قول ۇستاسىپ، وتباسىلىق ومىرگە قادام باسۋعا شەشىم قابىلدايدى. اكەسى ەرتەرەك دۇنيەدەن وزعاندىقتان امانجولوۆتار وتباسىنداعى ءۇش قىز، ەكى ۇلدى اناسى گۇلدەراي ءوسىرىپ جەتىلدىردى. ۇلدىڭ كەنجەسى بولعانمەن تالعات ەشكىمگە سالماق سالعىسى كەلمەگەن، ءبىراق وزىمەن قول ۇستاسىپ ۇلكەن ومىرگە قادام باسقان جۇبايى ماحابباتقا ۇيلەنۋ تويىن كەيىن جاسايتىنىنا ۋادە بەرگەن بولاتىن. دەگەنمەن تۇرمىس جاعدايىمەن ارادا جىلدار ءوتىپ، سول ۋادەنى ورىنداۋدىڭ ورايى ەندى كەلدى. بۇگىندە تالعات پەن ماحاببات التى بالا تاربيەلەپ، ءۇش ۇل مەن ءۇش قىزدىڭ اتا-اناسى اتاندى.

«2006 -جىلى ەكى جاقتىڭ كەلىسىمىمەن ماحابباتتى الىپ قاشتىم. جاسىراتىنى جوق، دۇبىرلەتىپ توي جاساۋعا شامامىز كەلگەن جوق. شاڭىراعىمدا تەك بەتاشار ءراسىمىن اتقاردىق. مەشىتتە جانە زاڭدى نەكەمىزدى قيدىردىق. سول ساتتە ماحابباتقا ۇيلەنۋ تويىن جاساپ بەرۋگە ۋادە ەتكەن ەدىم. سول ۋادەمدى ورىنداۋدىڭ ورايى ەندى كەلدى. ءبىزدىڭ بۇل شەشىمىمىزگە ەكى جاقتىڭ ۇلكەندەرى قارسى كەلگەن جوق. بىزگە اق باتاسىن بەردى»، - دەدى تالعات قازاقپارات تىلشىسىنە.

تالعات وسىلايشا قازاق جىگىتىنىڭ ۋادە بەرىك بولاتىنىن تاعى ءبىر مارتە دالەلدەي ءتۇستى. وتباسىلىق ومىردە قوس جاس ەسەلى ەڭبەك ەتۋمەن قاتار شاڭىراق شاتتىعىنا بالانعان ۇرپاق ءوسىرىپ، ولارعا ونەگەلى تاربيە بەرۋگە كوڭىل ءبولىپ وتىر. ولاردىڭ ۇلكەنى راسۋل بيىل 11-گە تولسا، ودان كەيىنگى نۇرعايشا 10، مانسۇر 9، قاناعات 8، ايزەرە 5، ارۋ 4 جاسقا تولدى.

«اتا-انام مەنى داستۇرگە ساي قولدان ۇزاتقىسى كەلدى. دەگەنمەن جولداسىم ەكەۋمىزدىڭ شەشىمىمىزگە قارسى بولعان جوق. وزدەرىنىڭ باتاسىن بەرىپ، بىزگە اقجول تىلەدى. كەشەگى تويدا اتا- انام اق تىلەگىن اقتارىپ، كوزىنە جاس الىپ جاتتى. ارينە، مەنىڭ قالىڭدىق كويلەگىن كيىپ، توي تورىندە وتىرعان ساتىمدە ەرەكشە سەزىم مەن قوبالجۋ بولعانى جاسىرىن ەمەس. جارىمنىڭ كەزىندە نەكە قيار ساتتە ايتقان ۋادەسىندە تۇرىپ، وسىنداي توي جاساپ بەرگەنىنە ريزا بولدىم»، - دەدى ماحاببات.

وتباسى مۇشەلەرى بۇل تويعا ءۇش اي بويى دايىندىق جاساعان ەكەن. ولار وزدەرىنىڭ ويىن الدىمەن اناسى گۇلدەرايعا جەتكىزگەن. العاشقىدا «جۇرت نە ويلايدى»، «ىڭعايسىزدىق بولماي ما» دەگەن ويدىڭ دا قىلاڭ بەرگەنى راس. دەگەنمەن اناسى قارسى بولعان جوق. ۇلىنىڭ شەشىمىنە قولداۋ ءبىلدىردى. سونداي-اق، جاس جۇبايلار جاستار شەرۋىن دە ۇيىمداستىرعان ەكەن.

«ءبارى دە ءوزىمىز ويلاعانداي بولدى. توي داستۇرگە ساي ءجون- جورالعىسىمەن ءوتتى. ءبىزدىڭ تويىمىزعا كۋاگەر بولعان بالالارىمىزدىڭ دا قۋانىشىندا شەك جوق»، - دەيدى ولار.

اتالمىش تويدى باسقارعان جەرگىلىكتى اسابا الماسبەك مولجىگىتوۆ العاشقىدا وزىنە ۇسىنىس تۇسكەندە تاڭعالىسى بولعانى ايتادى. ءمان- جايدى تۇسىندىرگەننەن كەيىن ۇسىنىستى قۋانا قابىل العان.

ء«وز تاجىريبەمدە مۇنداي توي بۇرىن- سوڭدى بولعان ەمەس. ونىڭ جوعارى دارەجەدە وتۋىنە قولدان كەلگەنشە شىن ىقىلاسىممەن كىرىستىم. وعان كەلگەن قوناقتار سانى دا از بولعان جوق. اعايىن- تۋىس جۇرەكجاردى لەبىزىن ءبىلدىردى. جالعىز اناسىنا سالماق سالماي، ءوزىنىڭ ازاماتتىق قاسيەتىن كورسەتكەن تالعات پەن ونىڭ جىگەرىن جىقپاي قولداۋ كورسەتكەن جارى ماحابباتقا اق تىلەگىن ارناعان اعايىننىڭ سانى از ەمەس. مۇنى جاس بۋىنعا ونەگە رەتىندە كورسەتۋگە بولادى. قازىرگى جاستار قيىندىققا توزە بەرمەيدى. اس تا توك توي جاساپ، ارتىنان جولى ەكىگە اجىراپ كەتىپ جاتقان وتباسىلار دا كەزدەسەدى. بۇل - سونداي جاندارعا ساباق بولاتىن كورىنىس»، - دەدى الماسبەك مولجىگىتوۆ.

اۆتور: ءادىلجان ۇمبەت


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات