+7 (701) 759 90 19 Лента
5 °С : نۇر-سۇلتان
2 °С : الماتى
USD 389.52 EUR 429.21
RUB 6.07 CNY 54.94
جاڭالىقتار

قازاقستانعا جىل سايىن 13 مىڭ فرانسۋز ساياحاتتايدى

19 قىركۇيەك 18:05
:ءبولىسۋ
قازاقستانعا جىل سايىن 13 مىڭ فرانسۋز ساياحاتتايدى

نۇر-سۇلتان. قازاقپارات - فرانسيادان قازاقستانعا ساياحاتشىلار ءجيى كەلەدى. رەسمي دەرەككە قاراعاندا، ءبىزدىڭ ەلگە جىل سايىن 13 مىڭ فرانسۋز ساياحاتتايدى ەكەن.

ەممانيۋەل گييوم - قازاقستاندىق تۋريزم نارىعىن جەتىك بىلەتىن فرانسۋز مامانى. ءدال وسى كاسىپكەر بىرنەشە جىل بۇرىن قازاقستان مەن فرانسيا اراسىندا تىكەلەي اۋە رەيسىن اشىپ، ءبىزدىڭ ەلگە ونداعان فرانسۋز تۋروپەراتورىن الىپ كەلدى. قازاق ەلىنىڭ كورىكتى جەرلەرىن جارنامالاۋدان جالىققان ەمەس.

ساراپشى قازاقستاندىق تۋريزمنىڭ الەۋەتى زور دەپ سانايدى. ونىڭ ەسەبىنشە، ءبىزدىڭ ەلگە جىلىنا 13 مىڭ فرانسۋز ساياحاتتاپ، ءار ادام كۇنىنە 310 ەۋرو جۇمسايدى. ەگەر ساياحاتشىلارمەن جۇمىس دۇرىس جولعا قويىلسا، تەك فرانسيالىق تۋريستەردەن تۇسەتىن كىرىس جىلىنا 28 ميلليون ەۋرونى قۇرايدى، - دەيدى گييوم.

ەممانيۋەل گييوم، تۋريزم سالاسى بويىنشا ساراپشى:

- تۋريزم سالاسىنداعى ماماندىقتاردى ءبىر جۇيەگە كەلتىرۋ قاجەت. مەملەكەت وسى سالاداعى بارلىق باستامالاردى قولداۋى ءتيىس. قازاقستان تۋريزمىن فرانسيا، گەرمانيا، ۇلى بريتانيا نارىقتارىندا كوبىرەك جارنامالاپ، ينۆەستيتسيا قۇيعان ءجون.

پاريجدە قازاقستاندىق باعىتتى ۇسىناتىن تۋراگەنتتىكتەر سانى وننان اسپايدى. ولاردىڭ ىشىندەگى ەڭ ءىرىسى - ازيا. كومپانيا ءبىزدىڭ ەلگە ساياحاتپەن اينالىسقانىنا 3 جىل بولعان. بۇل باعىتتى ودان ءارى دامىتۋعا بولار ەدى، ءبىراق قازاق ەلىندەگى ينفراقۇرىلىم كوڭىل كونشىتپەيدى، دەيدى ماماندار.

بەرتران دەلونە، «Asia» تۋريستىك اگەنتتىگىنىڭ ساتۋ ءبولىمىنىڭ ديرەكتورى:

- ءبىز تۇتىنۋشىلارىمىزعا ءاردايىم قازاقستانداعى ينفراقۇرىلىمنىڭ ەۋروپاداعىداي دەڭگەيدە ەمەستىگىن ايتۋعا ءماجبۇرمىز. مىسالى، قوناق ۇيلەر تازا. ءبىراق 4 جۇلدىزدى قوناق ۇيلەر ەۋروپاداعىمەن سالىستىرۋعا كەلمەيدى.

تۋريستەر تاراپىنان قازاقستانعا دەگەن قىزىعۋشىلىق جوعارى، الايدا ونى جاپونيامەن سالىستىرۋعا كەلمەيدى، دەيدى ساراپشىلار. قازاق ەلىندە تۋريزمدى دامىتۋ ماقساتىندا اۋقىمدى ىستەر اتقارىلىپ جاتىر، تەك ونىڭ ناتيجەسى الداعى ۋاقىتتىڭ ەنشىسىندە، دەيدى فرانسۋز ماماندارى.

www.24.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات