سيرياداعى سوعىسقا اتتانعاندار مال ازىعىمەن قورەكتەنىپ، بالالارىن 13 جاسىندا سوعىسقا جىبەرگەن

None
None
نۇر-سۇلتان. قازاقپارات - سيرياداعى سوعىسقا اتتانعان قازاقستاندىقتار مال ازىعىن جەپ كۇن كورگەن. ال 13 جاستاعى بالالار قارۋ الىپ، جاۋعا شاپقان. «جۋسان -3» وپەراتسياسىمەن ەلگە ورالعان ايەل وسىلاي دەدى.

ءوزىنىڭ شىن اتىن اتاماي، ءجۇزىن كورسەتپەۋدى وتىنگەن بۇل ايەلدىڭ ەلگە ورالعانىنا 2 اي. وت پەن وقتىڭ ورتاسىنا كەتكەن ول ءبارى بىلمەستىكتەن بولدى دەپ وتىر. ويتكەنى، كۇيەۋىنىڭ جۇماققا كىرەمىز، شىن مۇسىلمان بولامىز دەگەن سوزىنە بويسۇنعان. 6 جىل شام ەلىندە قاراڭعىلىقتا ءومىر سۇرگەن ونىڭ كورگەن قورلىعى ادام شوشىتادى. بارا سالا كۇيەۋى سوعىستا قازا تاۋىپ، جەسىر قالادى.

- مۋحاجيرلار مالدىڭ تاماعىن جەيتىن ەدىك. مال جەيتىن تاماقتاردى جەدىك. ارابتار وزدەرى كادىمگى تاماقتار جەيتىن. مىسالى بيداي، وترۋب ءشوپ سوندايلار جەيتىنبىز.

وسىلاي كۇنەلتكەن كەلىنشەكتىڭ 3 جىلى اشتىقپەن وتكەن. جەسىر قالعاندىقتان، ولاردى كوپشىلىكپەن بىرگە تۋرعا ماجبۇرلەپتى. 2 بالامەن جەسىر قالعان ايەل تىسكە باسار ءدان سۇراپ، ارابتاردىڭ بوساعاسىن جاعالاپ، قايىر سۇراعان. شالقىپ ءومىر ءسۇرىپ، جۇماققا كىرەمىز دەگەن ويى توزاققا اينالعان.

- باليعات جاسىنا تولعان كەزدە ولار بالالاردى جەكە الا باستايدى. نەگىزى 7 جاسىنان باستاپ اقىرىن ۇيرەتە باستايدى. ولاردى جەكە الىپ مووسكار دەگەن جەرگە اپارادى ۇلداردى. سول جاقتا اسكەري دايىندىقتان وتەدى. سوسىن سوعىسقا 13-15 جاستارىنان شىعادى.

وتكەن ومىرىنە وكىنگەن ول كەتكەن قاتەلىگىن تۇزەپ، مەشىتتەن ءدارىس الىپ ءجۇر.

امانتاي تويشىباي ۇلى، ق م د ب پاۆلودار وبلىسى بويىنشا وكىلدىگىنىڭ باسپاءسوز حاتشىسى:

«اداسقاننىڭ ايىبى جوق، قايتىپ ءۇيىرىن تاپقان سوڭ» دەگەن قازاقتىڭ قاعيداسى بار. سول بويىنشا ولارعا ءتۇسىندىرۋ جۇمىستارى بەيىمدەۋ جۇمىسى ءجۇرىلىپ جاتىر. قازىر تۋىنداپ تۇرعان اۋىرتپالىق ماسەلە جوق. ءبىراق، ولار شىندىعىن ايتىپ جاماعاتپەن كەزدەسىپ، وزدەرىنىڭ كورگەندەرىن ايتىپ ارى قاراي ۋاعىز ناسيحاتقا جاستاردى ساقتاندىرۋعا ولاردى ءوز ۇلەستەرىن قوسىپ جاتىر.

قۇزىرلى ورگانداردىڭ مالىمەتىنشە، سيريادان پاۆلودار وبلىسىنا 19 ادام ورالعان. ولاردىڭ 9 ى بالا. 7 سول ەلدە تۋعاندىقتان، ەشقانداي قۇجاتى جوق.

- ءومىردىڭ ىستىق- سۋىعىن كورگەن ايەلدەردىڭ ەندىگى باعىتى - بالالارىن ءوسىرىپ، اتا- انالارىنىڭ جانىندا بولۋ. ويتكەنى، كوپشىلىگى كەزىندە جات اعىمنىڭ جەتەگىندە ءجۇرىپ، جاقىندارىنان اجىراپ قالعان. سوندىقتان دا «جۋسان» وپەراتسياسىمەن ورالعاندار وزدەرىنىڭ تۋعان اۋىلدارىنا ورالىپتى.

astanatv.kz

سوڭعى جاڭالىقتار