بۇگىن قازاقستاندا 13 مىڭ تۇلەك ۇ ب ت تاپسىرىپ جاتىر

نۇر-سۇلتان. قازاقپارات - قازاقستاندا ۇلتتىق ءبىرىڭعاي تەستىلەۋ باستالدى. وسىعان وراي بۇگىن ق ر ءبىلىم جانە عىلىم ءمينيسترى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنە كەلىپ، تەست تاپسىرىپ جاتقان تۇلەكتەرگە ساتتىلىك تىلەدى، دەپ حابارلايدى قازاقپارات ءتىلشىسى.

«مەنىڭشە، سوڭعى جىلدارى بالالار بارىنشا بايسالدى بولىپ بارادى. ولار سالماقتى، بايىپتى، بارلىق ويلارىن ءبىر ماقساتقا باعىتتاي العان. ۇ ب ت تاپسىرىپ جاتقان بارلىق تۇلەكتەرگە ساتتىلىك تىلەيمىن»، - دەدى مينيستر ب ا ق وكىلدەرىنە بەرگەن سۇحباتىندا.

ونىڭ ايتۋىنشا، بۇگىن ەلىمىز بويىنشا 13 مىڭ تۇلەك ۇ ب ت تاپسىرىپ جاتىر.

«رەسپۋبليكا بويىنشا بۇگىن جالپى 13 مىڭ بالا ۇ ب ت تاپسىرىپ جاتىر. بۇل - ءبىرىنشى لەك. جالپى 9 كۇن تاپسىرامىز دەپ جوسپارلاپ وتىرمىز. ۇ ب ت- نى بارلىعى 117242 تۇلەك تاپسىرادى. بۇگىن نۇر-سۇلتان قالاسىندا وسى ۋنيۆەرسيتكە 600 بالا كەلىپ وتىر. ءدال وسى جەردە. ءبىز ساتتىلىك تىلەدىك. بالالارىمىز قوبالجىماي، جاقسى تاپسىرادى دەگەن ۇمىتتەمىز»، - دەدى اسقار ايماعامبەتوۆ.