قىتاي نارىعى ەلىمىزدەن شىعاتىن 13 اۋىلشارۋاشىلىق ءونىمى ءۇشىن اشىق
بۇگىندە 13 تاۋار ءتۇرى بويىنشا قىتاي نارىعى اشىق. ياعني بالىق ونىمدەرى، اسىل تۇقىمدى جىلقىلار، مۇزداتىلعان قوي ەتى، بال، بيداي، بيداي كەبەگى، سويا بۇرشاقتارى، سويىس جىلقىلارى، راپس، سيىر ەتى، جوڭىشقا پىشەنى، ۇن، وسىمدىك مايى، ارپا، جۇگەرى ەكسپورتتالادى، دەدى مينيستر.
ال يران تاراپىمەن قويلاردى، مۇزداتىلعان جانە سالقىنداتىلعان قوي ەتىن، سيىر ەتىن، جۇمىرتقا جەتكىزۋگە ارنالعان ۆەتەريناريالىق تالاپتار كەلىسىلگەن. جالپى اگروونەركاسىپتىك كەشەن ونىمدەرىن ەكسپورتتاۋ كولەمى وتكەن جىلى 24 جارىم پروتسەنتكە ۇلعايعان. جىل باسىنان جالپى اۋىل شارۋاشىلىعى ونىمدەرىنىڭ كولەمى % 3,7- كە ۇلعايعان.
اۋىل شارۋاشىلىعى ءمينيسترى ساپارحان وماروۆتىڭ ايتۋىنشا، وسى ارالىقتا تاماق ونىمدەرىن ءوندىرۋ % 1,2- كە، ال سۋسىن ءوندىرۋ شامامەن 19 پروتسەنتكە ءوستى. سونداي- اق، سالاعا ينۆەستيتسيا تارتۋدا جاقسى ءوسىم بايقالادى.