+7 (701) 759 90 19 Лента
18 °С : استانا
26 °С : الماتى
USD 383.69 EUR 429.08
RUB 5.97 CNY 55.39
جاڭالىقتار

ءۇش اي بويى قاماۋدا بولعان 13 جاسار قىز قاشىپ شىعىپ، كومەك سۇرادى

13 قاڭتار 13:20 650
:ءبولىسۋ
ءۇش اي بويى قاماۋدا بولعان 13 جاسار قىز قاشىپ شىعىپ، كومەك سۇرادى

استانا. قازاقپارات - امەريكانىڭ ۆيسكونسين شتاتىندا ءۇش ايدان بەرى ىزدەستىرىلىپ جاتقان 13 جاستاعى جاس ءوسپىرىم تابىلدى، دەپ حابارلايدى قازاقپارات euronews.com اگەنتتىگىنە سىلتەمە جاساپ.

دجەيمي كلوسس اتا-اناسىمەن بىرگە بەررون قالاسىندا تۇراتىن. ءۇش اي بۇرىن بەلگىسىز بىرەۋلەر وتباسىنا شابۋىل جاساپ، دجەيميدىڭ اتا-اناسىن ءولتىرىپ، ءوزىن الىپ كەتكەن ەدى.

وسى بەيسەنبىدە دجەيمي قاراقشىلاردىڭ بۇعاۋىنان قاشىپ شىقتى، دەپ حابارلادى جەرگىلىكتى پوليتسيا.

بەررون اۋماعىنىڭ شەريفى جاس ءوسپىرىمدى اتىشۋلى قىلمىستىڭ بەتىن اشقان ناعىز باتىر دەپ اتادى.

«قىلمىسكەر دجەيميد ۇيىندە قاماپ ۇستادى. سوعان قاراماستان باتىر قىز قاشىپ شىعىپ، كومەك سۇرادى. ءبىزدىڭ ويىمىزشا، كۇدىكتى شابۋىل جاساعانعا دەيىن بۇل وتباسىمەن قارىم-قاتىناستا بولماعان. ونىڭ جالعىز ماقساتى - دجەيميدى قولعا ءتۇسىرۋ بولعان. كۇدىكتى شابۋىلدى جوسپارلاپ، قولعا تۇسپەس ءۇشىن ءبارىن ويلاستىرىپ قويعان»، - دەيدى شەريف.

دجەيمي كلوسس بەرگەن تۇسىنىكتەمە ناتيجەسىندە گوردون قالاسىنىڭ تۇرعىنى دجەيك پاتتەرسون اتتى ازامات ۇستالدى.

بۇل قالا بەرروننان جۇزدەگەن شاقىرىم قاشىقتىقتا ورنالاسقان. كلوسس وتباسىنا جاسالعان شابۋىل جونىندە 15- قازاندا، ەرلى-زايىپتىلاردىڭ دەنەسى تابىلعان سوڭ بەلگىلى بولدى. ال كىشكەنتاي دجەيميدى جۇزدەگەن ەرىكتى مەن پوليتسەيلەر ىزدەپ، تابا الماعان ەدى.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات