قازاقستاننىڭ 13-جەلتوقسانعا ارنالعان اۋا رايى بولجامى

استانا. قازاقپارات - اتموسفەرالىق اعىنداردىڭ وتۋىنە بايلانىستى 13- جەلتوقساندا قازاقستاننىڭ باتىسىندا جانە وڭتۇستىك-باتىسىندا جاۋىن-شاشىندى بولادى، قالعان ايماقتاردا كۇن اشىق، دەپ حابارلايدى قازگيدرومەت.

سونداي-اق ەل اۋماعىنىڭ كەي جەرلەرىندە تۇمان، كوكتايعاق، جەلدىڭ كۇشەيۋى كۇتىلەدى.

ماڭعىستاۋ، اتىراۋ وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.

الماتى وبلىسىنىڭ جالاڭاشكول اۋدانىندا جەل تۇرىپ، ەكپىنى 28 م/س جەتەدى، تۇندە جانە تاڭەرتەڭ تۇمان ءتۇسۋى ىقتيمال.

اقتوبە وبلىسىنىڭ مۇعالجار اۋدانىندا جەل 18 م/س كۇشەيەدى.

اقمولا، سولتۇستىك قازاقستان، پاۆلودار، قاراعاندى، شىعىس قازاقستان، قوستاناي، تۇركىستان وبلىستارىنىڭ كەي جەرلەرىندە تۇمان تۇسەدى.

تۇندە  قىزىلوردا وبلىسىنىڭ كەي جەرلەرىندە تۇمان، كوكتايعاق بولۋى ىقتيمال.