دەنيس تەننىڭ قازاسىنان كەيىن 13 پوليتسەي جازالاندى
19- شىلدە كۇنى الماتىعا جەدەل قىزمەت جۇمىسىن تەكسەرۋ ءۇشىن ءارى الدىن الۋ شارالارىن جۇرگىزۋ ءۇشىن كريمينالدى پوليتسيا دەپارتامەنتىنىڭ باستىعى ارمانبەك بايمۋرزيننىڭ باسشىلىعىمەن ءى ءى م ورتالىق اپپاراتىنىڭ قىزمەتكەرلەرى مەن وزىندىك قاۋىپسىزدىك قىزمەتى كەلگەن بولاتىن.
قازاعا قاتىستى جان-جاقتى زەرتتەۋ جاساۋ ءۇشىن ىشكى ىستەر ءمينيسترىنىڭ ورىنباسارى راشيد جاكۋپوۆ تا الماتىعا ات باسىن بۇرعان ەدى.
«ءى ءى د- گە پراكتيكالىق كومەك كورسەتۋ ءارى تەكسەرىس كەزىندە قوعامدىق ءتارتىپ ساقتاۋدى قامتاماسىز ەتۋ ماسەلەلەرىندە شيكىلىكتەر بايقالدى. قوعامدىق ورىنداردا قۇقىق بۇزۋشىلىقتىڭ الدىن الۋ شارالارىن باقىلاۋ بارسىندا جەرگىلىكتى پوليتسيا ينسپەكتورى جۇمىسىنان كەمشىلىكتەر تابىلدى.
قىزمەتتىك تەرگەۋ ناتيجەسى بويىنشا قالالىق ءى ءى د- ءنىڭ 13 قىزمەتكەرى قاتاڭ جاۋاپكەرشىلىككە تارتىلدى، ونىڭ ىشىندە باسشىلىقتا وتىرعان 3 قىزمەتكەر بار»، - دەلىنگەن الماتى قوعامدىق كەڭەس ساۋالىنا بەرگەن ق ر ءى ءى م ورىنباسارى جانات سۇلەيمەنوۆتىڭ جاۋابىندا.
سونداي-اق، قالالىق جەرگىلىكتى پوليتسيا باستىعى ج. بايكەنوۆ پەن المالى اۋداندىق پوليتسيا باستىعى س. كۋمابەكوۆ قىزمەتىنەن بوساتىلعان.
بۇدان وزگە، الماتى ءى ءى د- دە 27- شىلدە كۇنى ءى ءى م ورىنباسارى راشيد جاكۋپوۆتىڭ توراعالىعىمەن جەدەل كەڭەس وتىرىسى وتكەن بولاتىن. مۇندا تەكسەرۋ ناتيجەلەرى ساراپتالىپ، دەپارتامەنت قىزمەتىنىڭ ماقساتى بەلگىلەندى. ياعني اشىلماعان مۇلىكتىك قىلمىستاردى ساپالى ءارى تولىق زەرتتەۋ، مۇلىك ۇرلانعان جەردە ىزدەۋ شارالارىنىڭ بەلسەندىلىگىن كۇشەيتۋ، بۇرىن سوتتالۋشى رەتىندە ەسەپتە تۇرعان ادامداردى انىقتاۋدا جىلدامدىق تانىتۋ مىندەتتەرى العا قويىلدى.
ءى ءى د مەن اۋداندىق ءى ءى ب- دا قىلمىستى زەرتتەتۋمەن اينالىساتىن ارنايى جەدەل تەرگەۋ توبى قۇرىلدى. توپ تەگەۋرىندى تەرگەۋشىلەردەن قۇرالعان.