قازاقستان زاماناۋي تاسىعىش- زىمىران ۇشىراتىن جەكە كەشەنى بار 13 ەلدىڭ قاتارىنا قوسىلادى

None
None
استانا. قازاقپارات - «بايقوڭىر» عارىش ايلاعىنان بوي كوتەرەتىن «بايتەرەك» عارىشتىق زىمىران كەشەنى 2022 - جىلدان كەيىن جاڭا ۇلگىدە باسقارىلاتىن ايەروعارىش كەمەلەرىن ۇشىرا الادى.

ماسەلەن، ەكيپاج مۇشەلەرىنە ارنالعان بورت بۇرىنعىداي ءۇش ەمەس، التى ورىندىق بولۋى مۇمكىن. بۇل تۋرالى بۇگىن «KADEX-2018» حالىقارالىق كورمەسى شەڭبەرىندە ءوتىپ جاتقان «قازعارىشتىڭ 25 جىلدىعى» فورۋمىندا «بايتەرەك» قازاقستان - رەسەي بىرلەسكەن كاسىپورنىنىڭ جوبالىق كەڭسە ديرەكتورى ولەگ باليتسكيي حابارلادى.

 ونىڭ ايتۋىنشا، وسى ارقىلى قازاقستان زاماناۋي تاسىعىش- زىمىران ۇشىراتىن جەكە كەشەنى بار 13 ەلدىڭ قاتارىنا قوسىلادى.

ەسكە سالايىق، كەشەننەن ۇشىرىلاتىن العاشقى عارىشتىق قۇرىلعى «سويۋز-5» جاڭا تاسىعىش- زىمىرانى بولماق. ايتا كەتەيىك، قازاقستاندىق تاراپ بۇرىنعى «زەنيت» كەشەنىن جاڭعىرتۋعا 314 ميلليون ا ق ش دوللارىن بولگەن بولسا، رەسەيلىك تاراپتىڭ تاسىعىش- زىمىران قۇراستىرۋعا جۇمساعان قاراجاتى 0,5 ميلليارد ا ق ش دوللارىنا تەڭ.

 ولەگ باليتسكيي، «بايتەرەك» قازاقستان - رەسەي بىرلەسكەن كاسىپورنى» ا ق جوبالىق كەڭسەسىنىڭ ديرەكتورى:

- جەردەگى عارىشتىق ينفراقۇرىلىم ءبىرىنشى كەزەكتە تەحنيكالىق كەشەننەن تۇرادى. ياعني مونتاجدىق- سىناۋ كورپۋسىندا زىمىران قۇراستىرىلىپ، تەكسەرىلىپ، ۇشىرۋعا ازىرلەنەدى. سونىمەن قاتار ىسكە قوسۋ كەشەنى اكەلىنەدى. دايىن راكەتا تۇعىرعا ورناتىلىپ ۇشىرىلادى. قاۋىپسىزدىك جۇمىستارىنا، لوگيستيكاعا، كوممۋنيكاتسياعا قازاقستاندىق تاراپ ءوز جاۋاپكەرشىلىگىنە الادى. ال زىمىراندار تەك رەسەيلىك تاراپقا تيەسىلى. الداعى ۋاقىتتا پەرسونال قۇرامىن 500 ادامعا دەيىن ۇلعايتۋ كوزدەلىپ وتىر. جانە ونىڭ 90 پايىزىن قازاقستاندىق ماماندار قۇرايدى دەگەن ويدامىز.

www.24.kz

سوڭعى جاڭالىقتار