+7 (701) 759 90 19
11 °С : نۇر-سۇلتان
14 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

الەمنىڭ ەڭ باي ادامدارى ءبىر كۇندە 139 ميلليارد دوللار جوعالتتى

25 اقپان 13:29
:ءبولىسۋ
الەمنىڭ ەڭ باي ادامدارى ءبىر كۇندە 139 ميلليارد دوللار جوعالتتى

نيۋ-يورك. قازاقپارات – ا ق ش پەن باسقا دا ەلدەردە قور ساۋداسىنداعى يندەكستەردىڭ ايتارلىقتاي تومەندەۋىنە بايلانىستى الەمنىڭ ەڭ باي 500 ادامىنىڭ جيىنتىق جاعدايى دۇيسەنبى كۇنى شامامەن 139 ميلليارد دوللارعا قىسقاردى.

بۇل تۋرالى Bloomberg اگەنتتىگى جاريالادى.

بۇل - 2016 -جىلدىڭ قازان ايىندا اگەنتتىك وسىنداي باقىلاۋلار جۇرگىزە باستاعان ساتتەن باستاپ ەسەپتەگەندەگى رەيتينگكە ەنگىزىلگەن ادامداردىڭ جوعالتقان ەڭ كوپ شىعىندارى. LVMH (Louis Vuitton Moet Hennessy) فرانسۋز كومپانيا توبىنىڭ باس ديرەكتورى بەرنار ارنو مەن Amazon كورپوراتسياسىنىڭ باسشىسى دجەفف بەزوستىڭ ءارقايسىسى 4,8 ميلليارد دوللاردان ايىرىلعان. ولار - تىزىمگە ەنگەن اسا باي بيزنەسمەندەردىڭ اراسىنداعى ەڭ كوپ شىعىنعا ۇشىراعاندار. بەزوس بۇرىنعىشا الەمدەگى ەڭ باي ادام، ال ارنو اتالعان كورسەتكىش بويىنشا ءۇشىنشى ورىندا تۇر. Zara يسپاندىق ساۋدا جەلىسىنىڭ قوجايىنى امانسيو ورتەگانىڭ جاعدايى 4 ميلليارد دوللارعا، Facebook كومپانياسىنىڭ باسشىسى مارك سۋكەربەرگتىكى 3,48 ميلليارد دوللارعا، ال Google كومپانياسىنىڭ نەگىزىن قالاۋشى لارري پەيدجدىكى 2,7 ميلليارد دوللارعا ازايعان.

اگەنتتىكتىڭ باعالاۋىنا سايكەس، رەسەيلىك ميللياردەرلەردىڭ ىشىنەن سوڭعى تاۋلىكتە «لۋكويلدىڭ» پرەزيدەنتى ۆاگيت الەكپەروۆ بارىنەن كوپ اقشا جوعالتتى. ونىڭ قارجىسى 1,21 ميللياردقا ازايعان. ەكىنشى ورىندا - «نوۆاتەكا» باسشىسى لەونيد ميحەلسون (692 ميلليون دوللار)، ءۇشىنشى ورىندا «لۋكويل» ۆيتسە- پرەزيدەنتى لەونيد فەدۋن (508 ميلليون دوللار).

ا ق ش-تاعى قور ساۋداسى دۇيسەنبى كۇنى جاڭا كوروناۆيرۋستىڭ تارالۋى الەمدىك ەكونوميكاعا زالال كەلتىرۋى مۇمكىن دەگەن قاۋىپتەرگە وراي باعا بەلگىلەنىمدەرىنىڭ تومەندەۋىمەن اياقتالدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات