بەيرۋتتاعى جارىلىستان قازا تاپقاندار سانى 137 ادامعا جەتتى
بۇل تۋرالى ليۆاننىڭ دەنساۋلدىق ساقتاۋ مينيسترلىگى ءمالىم ەتتى، دەپ حابارلايدى قازاقپارات Al Jazeera تەلەارناسىنا سىلتەمە جاساپ.
اگەنتتىكتىڭ حابارلاۋىنشا، زارداپ شەككەندەر سانى 5 مىڭعا جەتكەن. ونداعان ادام حابار-وشارسىز كەتكەن. بۇعان دەيىن 135 ادامنىڭ قايتىس بولعانى تۋرالى حابارلانعان بولاتىن.
ەسكە سالا كەتەيىك، بەيرۋت تەڭىز پورتىنىڭ قويماسىندا سەيسەنبى كۇنى جويقىن جارىلىس بولعان ەدى. ليۆان ءى ءى م مالىمەتى بويىنشا بۇدان التى جىل بۇرىن كەدەن قىزمەتتەرى تاركىلەگەن قويمادا ساقتالعان 2,7 مىڭ توننادان استام اممياك سەليتراسىنىڭ دانەكەرلەۋ جۇمىستارى بارىسىندا جانۋى سەبەپ بولعان.
جارىلىس تولقىنى ونداعان ۇيلەردى، اۆتوكولىكتەردى قيراتىپ، جويعان. ەل استاناسىنىڭ كوپتەگەن اۋداندارىندا ۇيلەردىڭ اينەكتەرى سىنعان. 300 مىڭنان استام ادام باسپاناسىز قالدى.
ايتا كەتەيىك، وسىعان دەيىن بەيرۋتتاعى جارىلىستان قازا بولعاندار سانى 113 ادامعا جەتكەنى حابارلاندى.