22:24, 19 - تامىز 2022 | GMT +6
ەلىمىزدەگى سپورت ينفراقۇرىلىمىن دامىتۋعا 136 ميلليارد تەڭگە بولىنەدى
نۇر- سۇلتان. قازاقپارات - قازاقستان سپورتتىق ينفراقۇرىلىمداردى دامىتۋعا 136 ميلليارد تەڭگە بولىنەدى.
بۇل تۋرالى ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى ءتوراعاسىنىڭ مىندەتىن اتقارۋشى بەكبولات بايجانوۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا سپورتتىق ينفراقۇرىلىمدارمەن قامتۋ دەڭگەيى 49 پايىزدى قۇراپ وتىر. 2025 -جىلعا دەيىن جۇزەگە اسىرىلاتىن 140 جوبامىز بار. بۇل ماقساتقا 136 ميلليارد تەڭگە كوزدەلگەن. ياعني، سپورتتىق نىسانداردى بىرتىندەپ سالۋ، جاڭارتۋ جانە جابدىقتاۋ جوسپارىمىزدا تۇر»، - دەدى بەكبولات بايجانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
كوميتەت ءتوراعاسى مىندەت اتقارۋشى دەرەگىنشە، بۇگىندە ەلىمىزدە 6,5 ميلليون ادام سپورتپەن جۇيەلى تۇردە اينالىسادى. بۇل جالپى ەل تۇرعىندارىنىڭ 34,2 پايىزىن قۇرايدى.