+7 (701) 759 90 19
7 °С : نۇر-سۇلتان
18 °С : الماتى
USD 423.95 EUR 495.81
RUB 5.84 CNY 65.6
جاڭالىقتار

134 اۋعان اسكەرى تاجىكستان شەكاراسىنا ءوتىپ، باس ساۋعالاۋعا ءماجبۇر بولدى

23 ماۋسىم 09:21
:ءبولىسۋ
134 اۋعان اسكەرى تاجىكستان شەكاراسىنا ءوتىپ، باس ساۋعالاۋعا ءماجبۇر بولدى

دۋشانبە. حوۆار- قازاقپارات - «تاليبان» قارۋلى توبى (تاجىكستاندا تىيىم سالىنعان) اۋعانستاننىڭ كۋندۋز پروۆينتسياسىنداعى شەرحون- باندار شەكارا كوميسسارياتىنا شابۋىل جاسادى، دەپ حابارلايدى قازاقپارات حوۆار اگەنتتىگىنە سىلتەمە جاساپ.

حوۆارعا كەلىپ تۇسكەن تاجىكستان رەسپۋبليكاسى ۇ ق ك شەكارا اسكەرى باسپا ءسوز ورتالىعىنىڭ مالىمدەمەسىندە وسىلاي دەلىنگەن: «22-ماۋسىم كۇنى ساعات 09.00 گە دەيىن سوزىلعان قارۋلى قاقتىعىستىڭ سالدارىنان ا ي ر ۇكىمەت اسكەرىنىڭ 134 اسكەري قىزمەتشىسى تاجىكستان رەسپۋبليكاسىنىڭ اۋماعىنا «پياندج» شەكارا جاساعىنىڭ 3- جانە 4- زاستاۆالارى ارقىلى شەگىنۋگە ءماجبۇر بولدى. تاجىكستان شەكاراشىلارى گۋمانيزم مەن تاتۋ كورشىلىك پرينتسيپتەرىن باسشىلىققا الا وتىرىپ، مەملەكەتتىك شەكارادان وتكەن اۋعان اسكەري كۇشتەرىنە تاجىكستان اۋماعىنا كەدەرگىسىز كىرۋگە رۇقسات بەردى. ا ي ر اسكەري قىزمەتشىلەرىنىڭ اراسىندا 4 ادام جارالانىپ، 1 ادام قازا تاپتى.

ت ر مەن ا ي ر اراسىنداعى شەكاراداعى جاعداي شيەلەنىستى دەپ باعالانىپ وتىر. شەرحون- باندار اۋماعىندا جارالانعان، ولتىرىلگەن جانە تۇتقىنعا الىنعان اۋعان اسكەرلەرىنىڭ جالپى سانى 100 گە جۋىق. راستالعان اقپاراتقا سايكەس، سوڭعى ون كۇندە تاجىكستانمەن شەكتەسەتىن ي ي ر- دىڭ ءتورت پروۆينتسياسىندا ۇكىمەت كۇشتەرى مەن «تاليبان» قوزعالىسى اراسىندا قاقتىعىستار بولىپ جاتىر. سول سەبەپتى چاحەب، يانگي كالحا، داركاد، داشتي كالا، تاحور پروۆينتسياسىنىڭ حودجاگور ۋەزدەرى، داشتي ارچي، يموم سوحيب جانە كۋندۋز پروۆينتسياسىنىڭ كالاي زول ۋەزدەرى، سونداي- اق شەرحون- باندار مەن كوكۋل وتكىزۋ پۋنكتتەرى تاليبتەردى باقىلاۋعا الدى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات