كولىگىن ارتقا ايداعان جۇرگىزۋشى 134 مىڭ تەڭگە ايىپپۇل تولەيدى
20 جاستاعى جاس جىگىت كىشى جەلتوقسان كوشەسىمەن ءال-فارابي داڭعىلىنا قاراي باعىت العان. بۇل ۆيدەو Instagram جەلىسىندە تارالدى.
پوليتسيا جۇرگىزۋشىگە قاتىستى 8 اكىمشىلىك حاتتاما تولتىردى.
«بۇل جولى جول ەرەجەسىن بۇزعان 20 جاستاعى جاس ءوسپىرىم بولىپ شىقتى. جاقسى كادر شىعارۋ ءۇشىن جول ەرەجەسىن بۇزعان. ەندى بۇل ارەكەتى ءۇشىن ول 134 مىڭ تەڭگە ايىپپۇل تولەيتىن بولدى. جۇرگىزىلگەن پروفيلاكتيكالىق شارالاردىڭ ارقاسىندا وسىنداي ەرەجە بۇزۋشىلىقتىڭ قاتارى ازايعانى راس. كوبىنەسە جاس، تاجىريبەسىز جۇرگىزۋشىلەر وسىنداي ارەكەتكە بارادى. بۇل جۇرگىزۋشىمەن دە ماماندار سويلەسەتىن بولادى. ال ونىڭ كولىگى ايىپ تۇراعىنا جىبەرىلەدى»، - دەدى پ د اكىمشىلىك پوليتسيا باسقارماسىنىڭ باسشىسى سەرىكجان ءابجانوۆ.
سونىمەن قاتار، جۇرگىزۋشىنىڭ كولىك باسقارۋعا رۇقسات بەرەتىن قۇجاتى بولماعان.
اۆتور: الما مۇقانوۆا