الماتىدا كوروناۆيرۋس جۇقتىرعان 132 ناۋقاس ىلەسپە دياگنوزدان قايتىس بولعان
بۇل تۋرالى قالالىق قوعامدىق دەنساۋلىق ساقتاۋ باسقارماسىنان ءمالىم ەتتى، دەپ حابارلايدى قازاقپارات ءتىلشىسى.
جىل باسىنان بەرى الماتىنىڭ پاتولوگواناتوميالىق بيۋروسىنا قالا ستاتسيونارلارىنان كوروناۆيرۋس ينفەكتسياسىنان قايتىس بولعان پ ت ر- تەست راستالعان - 278، پ ت ر- تەست راستالماعان 38 ادام جەتكىزىلگەن.
دەنساۋلىق ساقتاۋ باسقارماسىنىڭ مالىمەتىشە، كورونوناۆيرۋس جۇقتىرعان 132 ناۋقاس سوزىلمالى اۋرۋلاردان قايتىس بولعان.
«ءبىرىنشى ورىندا - قان اينالىمى جۇيەسىنىڭ اۋرۋلارى - %64. ەكىنشى ورىندا - قاتەرلى ىسىك - %10، ءۇشىنشى ورىندا - اس قورىتۋ ورگاندارىنىڭ اۋرۋلارى، ولاردىڭ ۇلەسى - %6، ءتورتىنشى ورىندا - تىنىس الۋ ورگاندارىنىڭ اۋرۋلارى (%5)، بەسىنشى ورىندا - جۇيكە جانە ەندوكريندىك جۇيەنىڭ اۋرۋلارى - %4، ودان ءارى نەسەپ-جىنىس جۇيەسىنىڭ اۋرۋلارى، باسقا دا ينفەكتسيالىق اۋرۋلار بار»، - دەپ حابارلادى باسقارمادان.
نوزولوگيالىق قۇرىلىمدا راستالماعان ادامداردىڭ (27) نەگىزگى ۇلەسىن - %78 قان اينالىمى جۇيەسىنىڭ اۋرۋلارى، ەكىنشى ورىندا - %11 تىنىس الۋ ورگاندارىنىڭ اۋرۋلارى، ءۇشىنشى ورىندا - %7 نەوپلازمالار، ءتورتىنشى ورىندا %4 ەندوكريندىك اۋرۋلار.
بۇل ساناتتاعى دياگنوز اۋتوپسيا ءۇشىن 2 جاعدايدا دا راستالادى. پاتولوگواناتوميالىق اۋتوپسيا جۇرگىزىلمەگەن جاعدايلاردا پاتسيەنتتىڭ ولىمىنە اكەپ سوققان دياگنوز مەديتسينالىق قۇجاتتاما نەگىزىندە اقپاراتتىق جۇيەلەرگە ەنگىزىلەدى.
بۇل رەتتە ەمدەۋشى دارىگەر پاتسيەنتتىڭ شاعىمدارىن، انامنەزدى، كلينيكالىق سيمپتومداردى، جۇرگىزىلگەن زەرتحانالىق جانە اسپاپتىق زەرتتەۋلەردى ەسكەرە وتىرىپ دياگنوز قويادى.