شۆەيتساريا وزبەكستانعا گۇلنار كاريموۆانىڭ 131 ميلليون دوللار اكتيۆىن قايتاراتىن بولدى
16 تامىز 21:07

شۆەيتساريا وزبەكستانعا گۇلنار كاريموۆانىڭ 131 ميلليون دوللار اكتيۆىن قايتاراتىن بولدى

تاشكەنت. قازاقپارات - شۆەيتساريانىڭ بەرن قالاسىندا وزبەكستاننىڭ بۇرىنعى پرەزيدەنتىنىڭ قىزى گۇلنارا كاريموۆانىڭ اكتيۆتەرىن قايتارۋ تۋرالى كەلىسىمگە قول قويىلدى، دەپ حابارلايدى قازاقپارات ءتىلشىسى سول ەلدىڭ ادىلەت مينيسترلىگىنە سىلتەمە جاساپ.

«كەلىسىم اياسىندا وزبەكستاننىڭ بۇرىنعى پرەزيدەنتىنىڭ قىزى گۇلنار كاريموۆا باسقارعان ۇيىمداسقان قىلمىستىق توپ زاڭسىز يەمدەنىپ، شۆەيتساريادا زاڭداستىرىلعان 131 ميلليون دوللار قايتارىلادى»، - دەلىنگەن مينيسترلىكتىڭ حابارلاماسىندا.

كەلىسىمگە وزبەكستان تاراپىنان ادىلەت ءمينيسترى رۋسلانبەك داۆلەتوۆ، شۆەيتساريا تاراپىنان پرەزيدەنت ينياتسيو كاسسيس قول قويدى.

سونىمەن قاتار اتالعان كەلىسىم وزبەكستاننىڭ ادىلەت جانە ىشكى ىستەر مينيسترلىكتەرى مەن قۇزىرلى ۆەدومستۆولار اراسىنداعى سوڭعى 2 جىلداعى جۇمىس ناتيجەسى ەكەنى ايتىلدى.

رەستيتۋتسيا ب ۇ ۇ- نىڭ كوپ-سەرىكتەستىك تراست قورلارى جۇيەسىندە ورنالاسقان «Uzbekistan Vision 2030» تراست قورى ارقىلى جۇرگىزىلمەك.

جاڭالىقتار