كوروناۆيرۋس: قازاقستاندا 131 ادام اۋرۋحانادان شىعارىلدى

نۇر- سۇلتان. قازاقپارات - ۋحاننان ەۆاكۋاتسيالانعان قازاقستاننىڭ 83 ازاماتىنىڭ 12 ءسى جرۆي- گە بايلانىستى ەم قابىلداپ جاتىر. بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ايتتى، دەپ حابارلايدى قازاقپارات ءتىلشىسى.

«مەديتسينالىق ۇيىمدار قىتايدان 6 - قاڭتاردان كەيىن تۇرعىلىقتى جەرىنە كەلگەن ازاماتتاردىڭ دەنساۋلىعىن باقىلاۋدى جالعاستىرۋدا. بارلىعى 24154 ادامعا باقىلاۋ جاسالدى. 15878 ءى مونيتورينگتەن شىعارىلدى. سوڭعى 14 كۇندە 8276 ادام قارالىپ، 1609 ادام مەديتسينالىق تىركەۋگە الىندى. جالپى، 13 - اقپاندا 151 ادام دەنە قىزۋى كوتەرىلىپ، جرۆي بەلگىلەرىمەن اۋرۋحاناعا ءتۇستى. 131 ادام اۋرۋحانادان شىعارىلدى. 20 ادام اۋرۋحانادا. ناۋقاستاردىڭ جاعدايى جاقسى» ، - دەدى مينيسترلىكتىڭ رەسمي وكىلى.

ونىڭ اتاپ وتۋىنشە، ەۆاكۋاتسيالانعان قازاقستان رەسپۋبليكاسىنىڭ 83 ازاماتىنىڭ 12 ءسى جرۆي- گە بايلانىستى ەم قابىلداپ جاتىر. سونداي- اق ۋحاننان ەۆاكۋاتسيالانعان بەلارۋستىڭ 5, ارمەنيانىڭ 1 ازاماتىنىڭ جاعدايى جاقسى.

«ۋحاننان ەۆاكۋاتسيالانعان قازاقستان رەسپۋبليكاسىنىڭ رەسەيدىڭ تۇمەن قالاسىنداعى - 3, وزبەكستاننىڭ تاشكەنت قالاسىنداعى 5 ازاماتىنىڭ دەنساۋلىقتارى جاقسى. ولاردىڭ شاعىمدارى جوق» ، - دەدى دياس احمەتشارىپ.