10:20, 23 - ءساۋىر 2021 | GMT +6
جەرورتا تەڭىزىندە قايىق اۋدارىلىپ، 130 عا جۋىق ميگرانت وپات بولدى
نۇر- سۇلتان. قازاقپارات - زاڭسىز ميگرانتتاردى الىپ كەلە جاتقان قايىق ليۆيا جاعالاۋىندا اۋدارىلىپ، 130 عا جۋىق ادام قازا تاپتى، دەپ حابارلايدى قازاقپارات SOS Mediterranee ۇكىمەتتىك ەمەس ۇيىمىنا سىلتەمە جاساپ.
وعان تيەسىلى Ocean Viking كەمەسى وسى ايماقتا اپاتقا ۇشىراعان ءۇش قايىق تۋرالى اقپارات العاننان كەيىن ليۆيا جاعالاۋىنا حالىقارالىق سۋلارعا جىبەرىلگەنى ايتىلادى.
«ءبىز بۇگىن وقيعا ورنىنا كەلگەننەن بەرى بىردە- ءبىر ءتىرى ادامدى تاپپادىق، دەگەنمەن اپات بولعان جەردە ونداعان ادامنىڭ ءمايىتىن كوردىك» - دەلىنگەن ۇيىمنىڭ حابارلاماسىندا.
قۇتقارۋ وپەراتسياسى اۋا رايىنىڭ قولايسىزدىعى سالدارىنان قيىنداپ كەتتى. ىزدەۋ ايماعىنداعى تولقىندار 6 م- گە جەتتى. كوپ ۇزاماي ەو شەكارا باقىلاۋ اگەنتتىگىنىڭ «فرونتەكس» ۇشاعى وقيعا ورنىنا جاقىن جەردە رەزەڭكە قايىقتىڭ فراگمەنتتەرىن تاپتى.