21:44, 02 - قازان 2020 | GMT +6
ءۇي الماق بولعان قازاقستاندىق الاياققا 130 ميلليون تەڭگەسىن بەرىپ قويعان
وسكەمەن. قازاقپارات - شىعىس قازاقستان وبلىسىنىڭ تۇرعىنى الاياققا الدانىپ، 130 ميلليون تەڭگەسىنەن ايىرىلدى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى الاياقتىق جاساعان 46 جاستاعى وسكەمەن قالاسىنىڭ تۇرعىنىن قولعا تۇسىرگەن.
«تەرگەۋ بارىسىندا انىقتالعانداي، كۇدىكتى وزىنە تيەسىلى ەمەس جىلجىمايتىن مۇلىكتى ساتاتىندىعىن ايتىپ، جابىرلەنۋشىنىڭ 130 ميلليون تەڭگەدەن استام قاراجاتىن يەمدەنگەن. قازىرگى ۋاقىتتا قىلمىستىق ءىس سوتقا جىبەرىلدى»، - دەدى ش ق و پ د باستىعى ساعات ماديەۆ.
وسى رەتتە، دەپارتامەنت وكىلدەرى تۇرعىندارعا الاياقتاردىڭ تۇزاعىنا ءتۇسىپ قالماس ءۇشىن بارىنشا اباي بولۋ كەرەكتىگىن ەسكەرتەدى.