الماتى وبلىسىندا كوروناۆيرۋس جۇقتىرعان ەكى ناۋقاس 130 داي اداممەن بايلانىستا بولعان

تالدىقورعان. قازاقپارات - الماتى وبلىسىندا كوروناۆيرۋس ينفەكتسياسىن جۇقتىرعاندار ساناتىنا تاعى ەكى ادام قوسىلدى.

ولار - جامبىل اۋدانى مىڭبايەۆ اۋىلىنىڭ تۇرعىندارى، - دەپ حابارلايدى قازاقپارات ءتىلشىسى وبلىس اكىمىنىڭ باسپا ءسوز قىزمەتىنە سىلتەمە جاساپ.

ولاردىڭ ءبىرىنشىسى - 1997-جىلى تۋعان ازامات، دارىگەرگە جۇگىنگەندە وكپەسىنىڭ قابىنۋى انىقتالىپ، سوعان بايلانىستى كۆيگە ۆيرۋسولوگيالىق اناليز الىنعان، قورىتىندىسى ونىڭ سىرقات ەكەنىن كورسەتكەن.

ەكىنشىسى - 1975-جىلى تۋعان ايەل ادام، ناۋرىزدىڭ 1-7 ء ى ارالىعىندا تاشكەنتتە، 18- ناۋرىزدا الماتى قالاسىندا بولعان.

13- ناۋرىزدا ينفەكتسيونيست دارىگەرگە قۇرعاق جوتەل، ءدام جانە ءيىس سەزۋىنىڭ بۇزىلۋىنا شاعىمدانعان جانە ول مۇرنى بىتكەنىنە بايلانىستى 6- ساۋىردەن ءوز بەتىنشە انتيبيوتيك قابىلداعانىن ايتقان.

دارىگەرلەردىڭ قاراۋىنان كەيىن پروۆيزورلىق بولىمگە جاتقىزىلىپ، كۆيعا ۆيرۋسولوگيالىق اناليز الىندى، قورىتىندىسى ونىڭ كوروناۆيرۋس ينفەكتسياسىن جۇقتىرعانىن كورسەتتى.

سىرقاتتاردىڭ ەكەۋى دە قاراساي اۋداندىق ورتالىق اۋرۋحانىنىڭ ينفەكتسيالىق بولىمىندە جاتىر.

ەكى ادامنىڭ جالپى سانى 130 اداممەن بايلانىستا بولعانى بەلگىلى بولدى، ولاردىڭ بارلىعى مىڭبايەۆ اۋىلىنداعى اۋرۋحانانىڭ پروۆيزورلىق بولىمىنە وقشاۋلاندىرىلىپ، ءارقايسىسىنان ۆيرۋسولوگيالىق اناليز الىندى.

ايتا كەتەيىك، 14- ءساۋىر كۇنگى ساعات 21.00 دەگى جاعداي بويىنشا كوروناۆيرۋس ينفەكتسياسىمەن اۋىرعاندار سانى 24 كە جەتتى، ولاردىڭ 5 ەۋى جازىلىپ شىقتى.