قازاقستاندا 130 مىڭعا جۋىق جۇمىس بەرۋشى قىزمەتكەرلەرىنىڭ جالاقىسىن كوتەرەدى

None
None
استانا. قازاقپارات - ەلىمىزدە 130 مىڭعا جۋىق جۇمىس بەرۋشى 705 مىڭ قىزمەتكەرلەرىنىڭ جالاقىسىن كوتەرۋگە ءازىر، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

«مەملەكەت باسشىسىنىڭ جولداۋىندا ايتىلعانداي 2019 -جىلدىڭ 1- قاڭتارىنان باستاپ ەڭ تومەنگى ەڭبەكاقى الاتىن جۇمىسشىلاردىڭ جالاقىسىن كوتەرۋدى جۇزەگە اسىرۋ اياسىندا، ەلىمىزدە جالپى جۇمىسشى سانى 1,5 ميلليون ادامدى قۇرايتىن 128,7 مىڭعا جۋىق جۇمىس بەرۋشى 705,4 مىڭ جۇمىسكەردىڭ جالاقىسىن كوتەرۋگە دايىن ەكەندىكتەرىن ءبىلدىردى دەپ» ، - دەلىنگەن حابارلاداما.

1235 كاسىپورىن ءىرى كاسىپكەرلىك سۋبەكتىلەرىنە جاتادى، 1711 - ورتاشا، 125 مىڭى شاعىن كاسىپكەرلىك.

جوعارىدا كورسەتىلگەن كاسىپورىنداردا ەڭ تومەنگى ەڭبەكاقى الاتىن جۇمىسكەرلەردىڭ ورتاشا جالاقىسى %18 وسەدى، ياعني 41,5 مىڭنان 55,2 مىڭ تەڭگەگە دەيىن جەتەدى.

 ەسكە سالا كەتسەك، وسى جىلدىڭ 5 - قازانىندا قازاقستان رەسۋپبليكاسىنىڭ پرەزيدەنتى نۇرسۇلتان نازاربايەۆ قازاقستان حالقىنا «قازاقستاندىقتاردىڭ ءال- اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىن جاريالاعان بولاتىن.

«ۇكىمەتكە 2019 -جىلدىڭ 1 - قاڭتارىنان باستاپ ەڭ تومەنگى جالاقىنى 1,5 ەسە، 28 مىڭنان 42 مىڭ تەڭگەگە دەيىن ءوسىرۋدى تاپسىرامىن. بۇل ءاربىر قازاقستاندىق ءۇشىن شىنايى كومەك بولادى. بۇل بارلىق سالالاردا، بارلىق مەنشىك فورماسىنداعى كاسىپورىنداردا جۇمىس ىستەيتىن 1 ميلليون 300 مىڭ ادامنىڭ ەڭبەكاقىسىن كوتەرۋگە سەپتىگىن تيگىزەدى» ، - دەدى ەلباسى.

سوڭعى جاڭالىقتار