22:10, 16 - شىلدە 2018 | GMT +6
اتاقتى سۋرەتشى تۇسىرگەن 130 مىڭ فوتوسۋرەت ينتەرنەتكە جۇكتەلەدى
استانا. قازاقپارات - ەندي ۋورحول قورى ونەرسۇيەر قاۋىم نازارىنا بۇرىن-سوڭدى جاريالانباعان 130 مىڭ تىڭ فوتوسۋرەتتەر ۇسىنعالى وتىر.
Contact Warhol Project جوباسىنا ستەنفورد ۋنيۆەرسيتەتى دە ات سالىسادى. وزدەرىڭىز بايقاعانداي، ولاردى اتاقتى سۋرەتشى ەندي ۋورحولدىڭ ءوزى تۇسىرگەن. كوزى تىرىسىندە فوتوسۋرەتتەردىڭ تەك 17 پايىزىن شىعارىپ ۇلگەرگەن ەكەن. جالپى، ارحيۆ 1976 جانە 1987 -جىلدار ارالىعىن قامتيدى. وندا كوبىنە 1980 -جىلدارداعى نيۋ-يوركتىك ءومىر بەينەلەنگەن. ۋورحول نىسانى بولعاندار قاتارىندا جازۋشى ترۋمان كاپوتە، سۋرەتشى جان-ميشەل باسكيا، The Beatles قۇرامىنداعى دجون لەننون، ءانشى دەببي حارري، پوپ-كورول مايكل دجەكسون، اكتريسا لايزا ميننەللي جانە وزگەلەر بار.
كورمە قاراشا ايىندا وتكىزىلىپ بولعان سوڭ، جىل اياعىندا ينتەرنەتكە جۇكتەلگەن سۋرەتتەردى تاماشالاۋ مۇمكىندىگى تۋادى.