عالىمدار: ادام جاس دەنەدە 130 جاسقا دەيىن ءومىر سۇرە الادى

 استانا. قازاقپارات - عالىمدار گەنەتيكالىق وڭدەۋ تەحنولوگيالارىنىڭ كومەگىمەن قارتايۋ پروتسەسىن مۇمكىندىگىنشە باياۋلاتۋدى جوسپارلاپ وتىر.

بۇل تۋرالى Life.ru عا سىلتەپ، Stan.kz اقپاراتتىق اگەنتتىگى حابارلايدى.

گارۆارد ۋنيۆەرسيتەتىنىڭ Rejuvenate Bio بيوينجەنەرلەرى ءتىرى ورگانيزمدەردىڭ گەنەتيكالىق ماتەريالدارىن وڭدەۋ بويىنشا العاشقى تاجىريبەلىك ەكسپەريمەنتتەرىن باستادى.

العاشقى ءتىرى اعزالارعا ەنزىلەتىن مۇنداي تاجىريبە يتتەرگە جاسالدى. د ن ق- داعى ەڭ جوعارى ءومىر ءسۇرۋ ۇزاقتىعىن ارتتىرۋ ءۇشىن يتتەردىڭ قۇرىلىمىنا ەڭ قاراپايىم اعزالاردىڭ د ن ق فراگمەنتتەرى قوسىلدى. ولاردىڭ باستى ەرەكشەلىگى ءتىپتى ەڭ قيىن ورتادا ءومىر ءسۇرۋ ۇزاقتىعىن ارتتىرۋ مۇمكىندىگى.

«كەرى» گەن تەراپياسى ءوز ناتيجەسىن بەرگەن جاعدايدا، CRISPR- Cas9 تەحنولوگياسى كلينيكالىق جاعدايدا ادامعا تەكسەرىلەتىن بولادى. زەرتتەۋشىلەر، بۇل تاجىريبەگە اسكەريلەر دە قىزىعۋشىلىق تانىنقانىن ايتۋدا.

ا ق ش قورعانىس مينيسترلىگى مەن باسقا دا قۇقىق قورعاۋ ورگاندارى ءۇشىن جاقىن ارادا گەنەتيكالىق رەداكتسيالاۋ ارقىلى قاراپايىم جانۋارلارعا قاراعاندا ەكى- ءۇش ەسە كوپ ءومىر سۇرە الاتىن، اۋرۋلاردان ارىلعان «مىقتى يتتەر» قۇرىلۋى مۇمكىن.

باعدارلامانى ازىرلەۋشىلەر ەكسپەريمەنتتىڭ ەڭ باستى ماقساتى - ادامداردىڭ ءومىر ءسۇرۋ ۇزاقتىعىن ارتتىرۋ دەپ ناندىرۋدا. بۇل زەرتتەۋمەن اينالىسىپ جۇرگەن بيوينجەنەرلەر جاقسى ناتيجەگەن قول جەتكىزەمىز دەپ، نيەتتەتىپ وتىر. ولاردىڭ بولجامدارى بويىنشا، ەگەر ءبارى جوسپارعا سايكەس جۇرسە، ادامدار 21-22 جاستاعى ادامنىڭ دەنەسىمەن 130 جىلعا دەيىن ءومىر سۇرە الادى.