+7 (701) 759 90 19
16 °С : نۇر-سۇلتان
29 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قاراعاندى وبلىسىندا 1300 شاقىرىم جول جوندەلەدى

14 ءساۋىر 09:20
:ءبولىسۋ
قاراعاندى وبلىسىندا 1300 شاقىرىم جول جوندەلەدى

قاراعاندى. قازاقپارات - قاراعاندى وبلىسىنىڭ اكىمى جەڭىس قاسىمبەك جولداردى تاۋلىك بويى جوندەۋدى تاپسىردى، دەپ حابارلايدى قازاقپارات ءتىلشىسى.

«جوندەۋ جۇمىستارى كەزىندە تۇرعىندار مەن تاسىمالداۋشىلارعا قانداي دا ءبىر ۋچاسكەلەردى جابۋ كۇتپەگەن جاڭالىق بولماۋى ءۇشىن الدىن الا ەسكەرتۋدى قامتاماسىز ەتۋ قاجەت. جازدا مەردىگەرلىك كومپانيالار كۇندىز تۇرعىندارعا كەدەرگى كەلتىرمەۋ ءۇشىن تۇندە اسفالت توسەۋى ءتيىس. بۇل قالالارداعى قالىپتى تاجىريبە. ادامدار ساپالى جولدارمەن جۇرگىسى كەلەدى. ولار بۇعان لايىق»، - دەپ اتاپ ءوتتى ءوڭىر اكىمى.

بيىل وبلىستا 1300 شاقىرىم جولدى جوندەۋ جوسپارلانعان. ورتالىق- وڭتۇستىك كولىك ءدالىزىن قۇرۋ نەگىزگى جوبا بولىپ قالا بەرەدى. بيىل جالپى ۇزىندىعى 513 شاقىرىم بولاتىن قاراعاندى - بالقاش، بالقاش - بۋرىلبايتال ۋچاسكەلەرىن قايتا جاڭارتۋ اياقتالادى. جازدا قاراعاندى - تەمىرتاۋ - توكاريەۆكا اۆتوجولىندا نۇرا وزەنى ارقىلى وتەتىن كوپىردى قايتا جاڭارتۋ باستالادى. بۇل تەمىرتاۋ - قاراعاندى تاس جولىنا تۇسەتىن جۇكتەمەنى ازايتۋعا مۇمكىندىك بەرەدى. قاراعاندى - ساران - شاحتينسك جولىنا كۇردەلى جوندەۋ جالعاساتىن بولادى.

«سونداي- اق اباي اۋدانىنداعى جارتاس - دولينكا، بۇقار جىراۋ اۋدانىنداعى نوۆودولينكا - شاحان - مولودەتسكوە باعىتتارى بويىنشا جولداردى، سونداي- اق قاراعاندى - ۇشتوبە - قۇرىلىس اۆتوجولىنىڭ توعىز شاقىرىمىن قايتا جاڭارتۋ جالعاستىرىلادى. جۇمىستاردى 2022 -جىلى اياقتاۋ جوسپارلانۋدا»، - دەدى جولاۋشىلار كولىگى جانە اۆتوموبيل جولدارى باسقارماسىنىڭ باسشىسى اسكەربەك حالتونوۆ.

ول سونىمەن قاتار قاراجال - اتاسۋ، وساكاروۆكا - مولودەجنوە، نۇرا - شاحتەر اۆتوجولدارىن قايتا قالىپقا كەلتىرۋ تۋرالى ايتىپ بەردى. اۋىلدىق ەلدى مەكەندەردەگى جولدار دا نازاردان تىس قالمايدى - «اۋىل - ەل بەسىگى» ارنايى جوباسىن ىسكە اسىرۋ جالعاستىرىلادى. وبلىستىڭ اۆتوجولدارىندا جوندەۋ جۇمىستارىن ۋاقتىلى اياقتاۋ ءۇشىن 3 مىڭعا جۋىق جول- قۇرىلىس تەحنيكاسى مەن 5 مىڭنان استام ادام جۇمىس ىستەيدى. جەڭىس قاسىمبەك قالا جانە اۋدان اكىمدەرىنە كونكۋرستىق ناۋقاندى مەرزىمىندە اياقتاۋدى، جوندەۋگە قاجەتتى ماتەريالداردىڭ دايىندالۋىن جانە ورىندالاتىن جۇمىستاردىڭ ساپاسىن باقىلاۋدى تاپسىردى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات