شەتەلدەگى قانداس جاستار ءۇشىن دايىندىق بولىمىنە 1300 ورىن ءبولىندى
بۇل تۋرالى قازاقپارات وتانداستار قورىنا سىلتەمە جاساپ حابارلايدى. شەتەلدەگى جاستار اراسىندا اتاجۇرتتا ءبىلىم العىسى كەلەتىن ازاماتتاردىڭ سانى جىل سايىن ارتىپ كەلەدى. 2018-2019 -جىلعا 1000 ورىن، 2019-2020 -جىلعا 1300 ورىن بولىنگەن ەدى.
دايىندىق ءبولىمىن ءساتتى اياقتاعان قانداستارىمىز ۇلتتىق ءبىرىڭعاي تەستىلەۋگە قاتىسىپ، جوعارعى وقۋ ورنىنىڭ ستۋدەنتى اتاندى. الەمگە تاراعان جۇقپالى ىندەت سالدارىنان بيىل ەلگە كەلە الماي، شەتەلدە قالىپ قويعان دايىندىق ءبولىمى ستۋدەنتتەرىنىڭ ماسەلەسىن «وتانداستار قورى» كوتەردى. ءبىلىم جانە عىلىم، سىرتقى ىستەر مينيسترلىكتەرىنىڭ، ۇلتتىق تەستىلەۋ ورتالىعىنىڭ قولداۋىمەن، ءۇش اي جۇرگىزىلگەن جۇمىس ناتيجەسىندە ق ر اۋماعىندا كورونوۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىندا شەتەلدەگى قانداس جاستارعا ۇ ب ت «ونلاين» وتكىزۋ شەشىمى قابىلداندى. تۇڭعىش رەت 733 قانداسىمىز ۇ ب ت ونلايىن تاپسىردى. ايتا كەتسەك، بيىلعى دايىندىق بولىمىنە وقۋعا تۇسۋگە ارنالعان قۇجاتتاردى قابىلداۋ 2020 -جىلعى 5 -تامىز بەن 5 -قىركۇيەك ارالىعىندا ءبىلىم جانە عىلىم مينيسترلىگىنىڭ بالون پروتسەسى جانە اكادەميالىق ۇتقىرلىق ورتالىعىنىڭ ۆەب- پورتالى https://enic-kazakhstan.kz ارقىلى ونلاين رەجيمدە جۇرگىزىلەدى.
سونداي- اق قازاقستاننىڭ شەتەلدەگى مەكەمەلەرىنە جەتكىزۋ ءۇشىن سىرتقى ىستەر مينيسترلىگىنە حات جولداندى. وقۋ جىلىنىڭ I سەمەسترىندە دايىندىق ءبولىمىنىڭ ستۋدەنتتەرىنە ءدارىس ونلاين رەجيمدە جۇرگىزىلەدى. تالاپكەرلەردىڭ قۇجاتتارىن قابىلداۋ ەرەجەسىنە سايكەس قادامدىق نۇسقاۋلىعى تومەندە كورسەتىلگەن. قۇجاتتاردى ونلاين رەجيمىندە تاپسىرۋ بويىنشا قوسىمشا سۇراقتار تۋىنداعان جاعدايدا 7172287526 نومىرىنە جانە [email protected] پوچتاسى بويىنشا حابارلاسىپ بىلۋگە بولادى. 1404 (بارلىق قازاقستاندىق ءموبيلدى وپەراتورلار ءۇشىن تەگىن) 88000801404 (بارلىق قازاقستاندىق قالالىق قوڭىراۋلار ءۇشىن تەگىن) 77172981404 (بارلىق قازاقستاندىق قالالىق قوڭىراۋلار ءۇشىن تەگىن ، حالىقارالىق قوڭىراۋلار ءۇشىن شەتەلدىك وپەراتورلار بەلگىلەگەن ستاۆكامەن) 87010001404 (WhatsApp, Telegram حابارلار مەن قوڭىراۋلار ءۇشىن) E-mail: [email protected] Skype: [email protected]