USD 434.48 EUR 492.61
RUB 5.68 CNY 68.44
جاڭالىقتار

بيىل ءبىر ۆيتسە-مينيستر، 13 اكىم جانە 4 سۋديا جەمقورلىق كۇدىگىمەن ۇستالدى

9 جەلتوقسان 12:24
:ءبولىسۋ
بيىل ءبىر ۆيتسە-مينيستر، 13 اكىم جانە 4 سۋديا جەمقورلىق كۇدىگىمەن ۇستالدى

نۇر-سۇلتان. قازاقپارات - بيىل ەلىمىزدە 1,5 مىڭنان استام جەمقورلىق قىلمىسى تىركەلىپ، 1280 ادام اشكەرەلەندى.

بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆ و ك ق- دە وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى. «بيىل 11 ايدىڭ قورىتىندىسى بويىنشا ەلىمىزدە 1576 سىبايلاس جەمقورلىق قىلمىسى تىركەلدى. ەڭ كوبى 3 مەگوپوليستە تىركەلىپ وتىر، ولار - الماتى، نۇر-سۇلتان جانە شىمكەنت قالاسى. سونداي-اق، تۇركىستان، ش ق و جانە جامبىل وبلىستارى دا بار. ال جەمقورلىق ءجيى جاسالاتىن سالالارعا كەلسەك، ول الدىمەن اۋىل شارۋاشىلىعى، ءبىلىم، تۇرمىستىق- كوممۋنالدىق شارۋاشىلىق، الەۋمەتتىك قامتاماسىز ەتۋ جانە دەنساۋلىق ساقتاۋ. سىبايلاس جەمقورلىق جاسادى دەگەن كۇدىكپەن 1280 ادام اشكەرەلەندى، ونىڭ 159 ى - ءارتۇرلى دەڭگەيدەگى باسشىلار»، - دەدى مارات احمەتجانوۆ. اگەنتتىك ءتوراعاسىنىڭ مالىمەتىنشە، بيىل ءبىر ۆيتسە-مينيستر، 13 اكىم جانە ونىڭ ورىنباسارلارى، 4 سۋديا جانە 28 وبلىستىق باسقارما باسشىسى پاراقورلىقپەن ۇستالدى.

«مەملەكەت بيۋدجەتىنە كەلتىرىلگەن 20 ميلليارد تەڭگەدەن استام زالال وتەلدى. ءبىراق بۇل قۇرعاق ساندار شىنايى جاعدايدى كورسەتپەيدى. بيىل جەمقورلىق ءىسى وتكەن جىلعا قاراعاندا 34 پايىزعا ازايىپ وتىر. ونىڭ وزىندىك سەبەپتەرى بار. ءبىز بۇگىندە سىبايلاس جەمقورلىقپەن كۇرەستە ءۇشبۋىندى جۇمىس جۇيەسىنە كوشتىك. قازىر سىبايلاس جەمقورلىق ءىسى بويىنشا كۇدىكتىگە قاتىستى بارلىق پروتسەسۋالدى شەشىمدەر پروكۋروردىڭ كەلىسىمىنسىز زاڭدى كۇشىنە ەنبەيدى. تەرگەۋدىڭ العاشقى كەزەڭىنەن باستاپ، ءىس جابىلعانشا بىرنەشە سۇزگىدەن وتەدى»، - دەيدى ول.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات