ماگيستراتۋراعا بولىنگەن 13 مىڭ گرانتتىڭ 3 مىڭى كەرى قايتارىلدى

None
None
نۇر-سۇلتان. قازاقپارات - ماگيستراتۋراعا تۇسۋشىلەر ءۇشىن بيىلعى وقۋ گرانتى كونكۋرسىنىڭ ناتيجەسى جاريالاندى، دەپ حابارلايدى قازاقپارات.

 بۇل تۋرالى ۇلتتىق تەستىلەۋ ورتالىعىنىڭ ديرەكتورى مىندەتىن اتقارۋشى ديدار سماعۇلوۆ الەۋمەتتىك جەلىدە جازدى. كونكۋرس ناتيجەسىن Testcenter.kz سايتىنان نەمەسە Konkurs_magistratura_2019 Telegram-بوتى ارقىلى بىلۋگە بولادى.

 «گرانتتى كومپيۋتەر بولگەنىمەن، پروتسەستىڭ قانشالىقتى ماڭىزدى ەكەنىن ۇعىنىپ، ءار ءتىزىمدى، شامامەن 12 مىڭ جازبانى قولمەن تەكسەرىپ شىقتىق. سەبەبى ورتالىق ءوز جۇمىسىندا ۇمىتكەرلەردىڭ قۇقىعىنا باسىمدىق بەرەدى»، - دەپ جازدى ديدار سماعۇلوۆ Facebook جەلىسىندە.

ايتا كەتەيىك، بيىل ماگيستراتۋراعا بولىنگەن 13 مىڭ گرانتقا 30 مىڭ ادام ۇمىتكەر بولعان ەدى. «جالپى سانى  9701 ۇمىتكەرگە گرانت تاعايىندالدى. قالعان  3108 گرانت بيۋدجەتكە كەرى قايتارىلدى. ءبىرىنشى اينالىمنان قالعان گرانتتار سۇرانىستاعى ماماندىقتار بويىنشا قايتادان بولىنەدى»، - دەدى د. سماعۇلوۆ.

سوڭعى جاڭالىقتار