شيپاجايعا جالعان جولداما ۇسىنىپ، 12 شىمكەنتتىكتى الداعان الاياق ۇستالدى
سايرام اۋداندىق پوليسيا باسقارماسىنا شىمكەنت قالاسىنىڭ تۇرعىنى ارىزدانادى. ايەلدىڭ ايتۋىنشا، ول جالعان جارناماعا الدانىپ قالعان. اقسۋكەنت اۋىلىنداعى شيپاجايلاردىڭ بىرىنە 10 كۇنگە دەمالىسقا شاقىرعان حابارلاندىرۋعا سەنىپ، 100 مىڭ تەڭگە اۋدارعان. اتالعان جايت ق ر ق ك- ءنىڭ 190-بابى (الاياقتىق) بويىنشا تىركەۋگە الىندى.
تۇركىستان وبلىسى پ د كريمينالدىق پوليسيا باسقارماسى مەن سايرام اۋداندىق ءتارتىپ ساقشىلارىنان جەدەل تەرگەۋ توبى قۇرىلىپ، قاجەتتى ىزدەستىرۋ شارالارى جۇزەگە اسىرىلدى. ناتيجەسىندە كۇدىكتىنىڭ جەكە باسى انىقتالدى. جەدەل ۋاكىلدەر جاسىرىنىپ جۇرگەن كۇدىكتىنى الماتى قالاسىنداعى جالدامالى پاتەرلەردىڭ بىرىنەن ۇستاپ، پوليسياعا جەتكىزدى. ول تولەبي اۋدانىنىڭ تۇرعىنى، بۇرىن الاياقتىق دەرەگىمەن سوتتى بولعان جاس قىز بولىپ شىقتى.
بەلگىلى بولعانىنداي، كۇدىكتى جالعان جارناما ارقىلى شىمكەنتتىڭ 12 تۇرعىنىن الداعان. قازىرگى تاڭدا تەرگەۋ امالدارى ءجۇرىپ جاتىر.