كەڭسە تاۋارلارى 12 پايىزعا قىمباتتادى
18 تامىز 13:08

كەڭسە تاۋارلارى 12 پايىزعا قىمباتتادى

نۇر-سۇلتان. قازاقپارات - ەلىمىزدە كەڭسە تاۋارلارى 12 پايىزعا قىمباتتادى. ءتىپتى، كەيبىر وڭىرلەردە باعانىڭ ءوسۋى 50,1 پايىزعا جەتىپ وتىر، دەپ حابارلايدى قازاقپارات ءتىلشىسى.

Energyprom.kz پورتالىنىڭ مالىمەتىنشە، بيىلعى شىلدەدە كەڭسە تاۋارلارى بىلتىرعىدان 12,3 پايىزعا قىمباتتادى. وڭىرلەر بويىنشا باعانىڭ ەڭ كوپ ءوسۋى تۇركىستان وبلىسىندا بايقالدى - 50,1 پايىز. سونداي-اق، اتىراۋ ( % 31,1) جانە اقمولا ( % 14,7) وبلىستارىندا جانە الماتى قالاسىندا ( % 14,5) دا ايتارلىقتاي قىمباتتادى.

كەڭسە تاۋارلارىنىڭ باعاسى جامبىل وبلىسىندا قاتتى كوتەرىلگەن جوق. دەگەنمەن، 1,2 پايىزعا ءوسىم تىركەلىپ وتىر.

مىسالى، سۋرەت داپتەرى بىلتىردان بەرى - 14,1، شاريكتى قالام - 13,2، ءتۇرلى- ءتۇستى قالام جيناعى - 12,1، داپتەر - 12، ا4 قاعازى - 10,6 پايىزعا قىمباتتادى.



اۆتور مارلان جيەمباي


جاڭالىقتار