18:41, 24 - ماۋسىم 2022 | GMT +6
ماسىموۆ تۋرالى اقپارات بەرگەن ادامعا 12 ميلليون تەڭگەگە دەيىن سىياقى بار
نۇر-سۇلتان. قازاقپارات - اسا ءىرى مولشەردە پارا الدى دەگەن كۇدىكپەن ىزدەۋ جاريالانعان نۇرلان ءماسىموۆ تۋرالى اقپارات بەرگەن ادامعا 12 ميلليون تەڭگەگە دەيىن سىياقى تابىستالادى، دەپ حابارلايدى قازاقپارات سىبايلاس جەمقورلىققا قارسى ءىس- قيمىل اگەنتتىگىنە سىلتەمە جاساپ.
«ەگەر سىزدە ونىڭ ورنالاسقان جەرى تۋرالى قانداي دا ءبىر اقپارات بولسا، اگەنتتىكتىڭ تەلەفوندارى بويىنشا حابارلاۋدى سۇرايمىز:
call-سەنتر 1424
77172909260+
77272787300+
77079780808+
ماسىموۆتىڭ ورنالاسقان جەرى تۋرالى اقپارات بەرگەنى ءۇشىن 12000000 تەڭگەگە دەيىن سىياقى كوزدەلگەن. حابارلامانىڭ قۇپيالىعىنا كەپىلدىك بەرىلەدى!» - دەلىنگەن ۆەدومستۆونىڭ مالىمدەمەسىندە.
ايتا كەتەيىك، سوت پاۆلودار وبلىستىق پوليتسيا دەپارتامەنتىنىڭ بۇرىنعى باستىعى نۇرلان ماسىموۆكە «كۇزەتپەن ۇستاۋ» تۇرىندەگى بۇلتارتپاۋ شاراسىن سانكسيالاعان بولاتىن.
ق ر سىبايلاس جەمقورلىققا قارسى ءىس-قيمىل اگەنتتىگى ىزدەۋ جاريالاعانى حابارلانعان.