جاڭبىر، بۇرشاق، داۋىل - 12 وڭىردە ەسكەرتۋ جاريالاندى

نۇر- سۇلتان. قازاقپارات - «قازگيدرومەت» ر م ك 27-مامىردا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.

اتاپ ايتقاندا، الماتى وبلىسىندا جاڭبىر، بۇرشاق، داۋىل، نايزاعاي بولجانادى. جەلدىڭ جىلدامدىعى 23-28 م/س جەتەدى. باتىس قازاقستان وبلىسىنىڭ سولتۇستىگىندە، باتىسىندا نايزاعاي، بۇرشاق، داۋىل كۇتىلەدى. جەل وڭتۇستىك- باتىستان سوعادى، وبلىستىڭ سولتۇستىگىندە، باتىسىندا ەكپىنى 15-20 م/س قۇرايدى.

تۇندە اقمولا وبلىسىنىڭ باتىسىندا، سولتۇستىگىندە، وڭتۇستىگىندە نايزاعاي بولجانادى. باتىستان، سولتۇستىك- باتىستان جەل سوعادى، تۇندە جانە تاڭەرتەڭ ءوڭىردىڭ سولتۇستىگىندە، باتىسىندا، وڭتۇستىگىندە ەكپىنى 15-20 م/س ارتادى. كۇندىز شىعىس قازاقستان وبلىسىنىڭ شىعىسىندا نايزاعاي ويناپ، كۇندىز ءوڭىردىڭ شىعىسىندا جەلدىڭ كۇشى 15-20 م/س جەتەدى.

جارما اۋدانىندا، سەمەي قالاسىندا توتەنشە ءورت قاۋپى ساقتالادى. تۇركىستان وبلىسىنىڭ تاۋلى اۋداندارىندا قاتتى جاڭبىر، بۇرشاق جاۋادى. وبلىستىڭ وڭتۇستىگىندە، سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا نايزاعاي ويناپ، داۋىل سوعادى. ءوڭىردىڭ سولتۇستىگىندە، باتىسىندا شاڭدى داۋىل بولادى. جەلدىڭ ەكپىنى 25 م/س جەتۋى ىقتيمال. شىمكەنت قالاسىندا تاڭەرتەڭ جانە كۇندىز نايزاعاي، داۋىل كۇتىلەدى.

سولتۇستىك- باتىستان جەل سوعادى، كۇشى 15-20 م/س ارتادى. كۇندىز پاۆلودار وبلىسىنىڭ وڭتۇستىگىندە، شىعىسىندا نايزاعاي بولجانادى. سولتۇستىك- باتىستان جەل سوعادى، تاڭەرتەڭ جانە كۇندىز ءوڭىردىڭ سولتۇستىك- باتىسىندا جىلدامدىعى 15-20 م/س قۇرايدى. كۇندىز 35 گرادۋس قاتتى ىستىق كۇتىلەدى.

وبلىستىڭ وڭتۇستىگىندە، ورتالىعىندا توتەنشە ءورت قاۋپى ساقتالادى. سولتۇستىك قازاقستان وبلىسىنىڭ سولتۇستىگىندە، باتىسىندا، شىعىسىندا نايزاعاي، داۋىل، بۇرشاق كۇتىلەدى. وڭتۇستىك- شىعىستان سوعاتىن جەل سولتۇستىك- باتىسقا اۋىسىپ، كۇشى 23-28 م/س جەتۋى ىقتيمال.

كۇندىز قىزىلوردا وبلىسىنىڭ شىعىسىندا نايزاعاي، ورتالىعىندا شاڭدى داۋىل كۇتىلەدى. 15-20 م/س كۇشپەن جەل سوعادى. ءوڭىردىڭ ورتالىعىندا توتەنشە ءورت قاۋپى ساقتالادى. قوستاناي وبلىسىنىڭ سولتۇستىگىندە، شىعىسىندا نايزاعاي ويناپ، سولتۇستىك- باتىستان جەل سوعادى، ەكپىنى 15-20 م/س ارتادى.

كۇندىز قاراعاندى وبلىسىنىڭ وڭتۇستىگىندە، ورتالىعىندا نايزاعاي كۇتىلەدى. باتىستان، سولتۇستىك- باتىستان جەل سوعادى، كۇندىز ءوڭىردىڭ وڭتۇستىگىندە، شىعىسىندا ەكپىنى 15-20 م/س جەتەدى. كۇندىز وبلىستىڭ وڭتۇستىك- شىعىسىندا 35 گرادۋس قاتتى ىستىق ساقتالادى.

كۇندىز 27-مامىردا، تاۋلىك بويى 28-مامىردا جامبىل وبلىسىنىڭ وڭتۇستىگىندە، باتىسىندا، تاۋلى اۋداندارىندا قاتتى جاڭبىر جاۋادى. سونداي- اق ەكى كۇن ءوڭىردىڭ وڭتۇستىگىندە، باتىسىندا، تاۋلى اۋداندارىندا نايزاعاي، بۇرشاق، داۋىل كۇتىلەدى. سولتۇستىك- باتىستان جەل سوعادى، ەكپىنى 23-28 م/س جەتۋى مۇمكىن.