ەلىمىزدىڭ 12 وڭىرىندە كوروناۆيرۋس ينفەكسياسىنىڭ ستەلس-وميكرون ءتۇرى انىقتالدى
18 مامىر 15:11

ەلىمىزدىڭ 12 وڭىرىندە كوروناۆيرۋس ينفەكسياسىنىڭ ستەلس-وميكرون ءتۇرى انىقتالدى

نۇر-سۇلتان. قازاقپارات - ەلىمىزدىڭ 12 وڭىرىندە كوروناۆيرۋس ينفەكسياسىنىڭ «ستەلس-وميكرون» ءتۇرى انىقتالدى.

بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.

«12 وڭىردە كوروناۆيرۋس ينفەكسياسىنىڭ «وميكرون» ءتۇرىنىڭ ءبىرى انىقتالدى. بۇل - «ستەلس-وميكرون». كوروناۆيرۋس ينفەكسياسىنىڭ بۇل ءتۇرى «دەلتا» ۆيرۋسىنا قاراعاندا جەڭىل وتەدى. ءبىراق، جىلدام تارالۋىمەن قاۋىپتى ءارى قايتادان اۋرۋعا الىپ كەلەدى. سونىمەن قاتار ونىڭ بۇكىل ەلىمىزدە تارالا باستاعانىن كورىپ وتىرمىز»، - دەدى ول ورتالىق كوممۋنيكاتسيالار قىزمەتىندە ءوتىپ جاتقان باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.

مينيستر ۆيرۋستىڭ تاراۋىنا مونيتورينگ كۇندەلىكتى جۇرگىزىلىپ جاتقانىن ايتتى.

«سيمپتوممەن جۇگىنگەن پاتسيەنتتەر تولىق كولەمدە ەم الادى. سىرقات تانۋشىلىقتىڭ مۇنداي اعىمى كەزىندە قانداي دا ءبىر كارانتيندىك ءىس-شارا ەنگىزبەيمىز. سوندىقتان بارلىق كارانتيندىك ءىس-شارالار الىنىپ تاستالدى. قازىرگى ۋاقىتتا نەگىزىنەن تۇرعىندار اراسىندا الدىن الۋ جۇمىستارى ءجۇرىپ جاتىر»، - دەدى اجار عينيات.

سونىمەن قاتار ول ماسكا رەجيمىن قايتا ەنگىزۋ مۇمىندىگىنە قاتىستى ساۋالعا دا جاۋاپ بەردى.

«بۇگىندە ماسكا رەجيمىن ەنگىزۋگە ەش نەگىز جوق. ول ەلدەگى ەپيدەميولوگيالىق احۋالعا بايلانىستى بولادى»، - دەدى مينيستر.


جاڭالىقتار