USD 429.57 EUR 447.35
RUB 6.94 CNY 63.23
جاڭالىقتار

الەمنىڭ 12 ەلىندە تۇراتىن قازاقتارعا انا ءتىلى ونلاين وقىتىلۋدا

22 جەلتوقسان 15:45
:ءبولىسۋ
الەمنىڭ 12 ەلىندە تۇراتىن قازاقتارعا انا ءتىلى ونلاين وقىتىلۋدا

نۇر- سۇلتان. قازاقپارات - 2021 -جىلى اقپارات جانە قوعامدىق دامۋ، سىرتقى ىستەر مينيسترلىكتەرىنىڭ قولداۋىمەن «وتانداستار قورى» الەمنىڭ 12 ەلىندە قازاق ءتىلىن وقىتۋ بويىنشا 31 ونلاين سىنىپ اشتى، دەپ حابارلايدى قازاقپارات.

اقپارات جانە قوعامدىق دامۋ مينيسترلىگىنىڭ مالىمەتىنشە، تامىز جانە جەلتوقسان ايلارىندا ساباقتار speaking club (سويلەسۋ كلۋبى) فورماتىندا وتكىزىلدى.

«بۇل تۇركيا، رەسەي، ا ق ش، ۇلى بريتانيا، بەلگيا، گەرمانيا، فرانسيا، يران، قىرعىزستان، ۋكراينا، موڭعوليا جانە بەلارۋستەگى قازاق دياسپورالارىنىڭ 1391 وكىلىنە 780 ونلاين ساباق وتكىزۋگە مۇمكىندىك بەردى. 336 قاتىسۋشىعا سەرتيفيكات بەرىلدى. سونىمەن بىرگە قازاق ءتىلىن ءوز بەتىنشە ۇيرەنۋ مۇمكىندىكتەرىن جاساۋ ماقساتىندا 30 ونلاين- ساباق YouTube-تە شىعارىلدى»، دەلىنگەن حابارلامادا.

ۆەدومستۆونىڭ حابارلاۋىنشا، بيىل قانداستارمەن مادەني- گۋمانيتارلىق بايلانىستاردى نىعايتۋعا، قازاق حالقىنىڭ مادەني مۇراسىن ىلگەرىلەتۋگە باعىتتالعان باسقا دا ماڭىزدى شارالار ىسكە اسىرىلىپ جاتىر.

ەستەرىڭىزگە سالا كەتەيىك، بيىل قىرعىز رەسپۋبليكاسىنىڭ استاناسىندا «Abai üiı» مادەني- ىسكەرلىك ءۇيى اشىلدى. وسىلايشا، مادەني- ىسكەرلىك ۇيلەر جۇمىس ىستەيتىن ەلدەر سانى التاۋ بولدى: تۇركيا، گەرمانيا، ۋكراينا، رەسەي، وزبەكستان جانە قىرعىزستان. قازاقستان تاۋەلسىزدىگىنىڭ 30 جىلدىعىنا وراي اقپارات جانە قوعامدىق دامۋ، سىرتقى ىستەر مينيسترلىكتەرىنىڭ قولداۋىمەن «وتانداستار قورى» مەن دۇنيەجۇزى قازاقتارى قاۋىمداستىعى ۇيىمداستىرعان قازاقتاردىڭ كىشى قۇرىلتايى ەرەكشە ماڭىزدى بولدى.

كىشى قۇرىلتاي بيىل قىركۇيەك ايىندا ىستانبۇلدا ءوتتى. سونداي- اق، اعىمداعى جىلى قازاقستان- نەمىس دوستىعى قاۋىمداستىعىمەن جانە جاپونياداعى قازاقتار قاۋىمداستىعىمەن ىنتىماقتاستىقتى دامىتۋ بويىنشا 2 مەموراندۋمعا قول قويىلدى. قازاق مادەني ورتالىقتارىمەن، قازاق قاۋىمداستىقتارىمەن، شەت ەلدەردەگى ق ر مەكەمەلەرىمەن مادەني- گۋمانيتارلىق جانە ىسكەرلىك بايلانىستاردى دامىتۋ جانە كەڭەيتۋ ماقساتىندا 2021 -جىلى الەمنىڭ 20 ەلىنەن 4500-دەن استام وتانداستىڭ قاتىسۋىمەن 15 ءىس- شارا، 20 كەزدەسۋ، 4 كونفەرەنسيا، 4 ونلاين- وفلاين جوبا وتكىزىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات