USD 434.34 EUR 491.93
RUB 5.56 CNY 68.67
جاڭالىقتار

قازاقستاننىڭ 12 وڭىرىندە اۋا رايىنا بايلانىستى ەسكەرتۋ جاريالاندى

2 جەلتوقسان 07:30
:ءبولىسۋ
قازاقستاننىڭ 12 وڭىرىندە اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازگيدرومەت 2-جەلتوقساندا ەلىمىزدىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.

قوستاناي وبلىسىنىڭ سولتۇستىك- باتىسىندا، شىعىسىندا كوكتايعاق، تۇمان، جاياۋ بۇرقاسىن كۇتىلەدى. وڭتۇستىكتەن، وڭتۇستىك- باتىستان جەل سوعادى، ەكپىنى 15-20 م/س.

اقتوبە وبلىسىنىڭ سولتۇستىك جارتىسىندا كوكتايعاق بولادى.

قىزىلوردا وبلىسىنىڭ ورتالىعىندا وڭتۇستىكتەن سوققان جەل باتىسقا اۋىسادى، كۇشى 15-20 م/س كۇتىلەدى.

باتىس قازاقستان وبلىسىنىڭ سولتۇستىك- باتىسىندا تۇمان، كوكتايعاق كۇتىلەدى. جەل باتىستان، وڭتۇستىك- باتىستان سوققان جەلدىڭ جىلدامدىعى 15-20 م/س جەتەدى.

2-جەلتوقساندا تاڭەرتەڭ جانە كۇندىز تۇركىستان وبلىسىنىڭ باتىسىندا، سولتۇستىگىندە شاڭدى داۋىل كۇتىلەدى.

شىمكەنت قالاسىندا 2-جەلتوقساندا كۇندىز وڭتۇستىكتەن، وڭتۇستىك- باتىستان سوققان جەل 15-20 م/س جىلدامدىققا جەتەدى.

نۇر-سۇلتان قالاسى تاۋلىكتىڭ ەكىنشى جارتىسىندا كوكتايعاق بولادى.

قاراعاندى وبلىسىنىڭ باتىسىندا كوكتايعاق كۇتىلەدى. وبلىستىڭ وڭتۇستىگىندە تۇمان كۇتىلەدى. وڭتۇستىكتەن، وڭتۇستىك- شىعىستان جەل سوعادى، وبلىستىڭ باتىس جارتىسىندا 15-20، ەكپىنى 23 م/س جەتەدى.

پاۆلودار وبلىسىنىڭ وڭتۇستىگىندە وڭتۇستىكتەن جەل سوعادى ەكپىنى 15-20 م/س كۇتىلەدى. ماڭعىستاۋ وبلىسىنىڭ سولتۇستىگىندە جانە ورتالىعىندا تۇمان، كوكتايعاق بولجانادى.

اقمولا وبلىسىندا سولتۇستىك- باتىسىندا، وڭتۇستىك- شىعىسىندا جاياۋ بۇرقاسىن، كوكتايعاق كۇتىلەدى. تۇندە جانە تاڭەرتەڭ وبلىستىڭ شىعىسىندا تۇمان تۇسەدى.

سولتۇستىك قازاقستان وبلىسىنىڭ سولتۇستىگىندە، ورتاسىندا جاياۋ بۇرقاسىن، كوكتايعاق بولادى. وڭتۇستىك- باتىستان جەل سوعادى، وبلىستىڭ باتىسىندا، سولتۇستىگىندە ەكپىنى 15-20 م/س جەتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات