+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

ەلوردادا كومىر 12 جەردە ساتىلىپ جاتىر

17 قىركۇيەك 09:53
:ءبولىسۋ
ەلوردادا كومىر 12 جەردە ساتىلىپ جاتىر

نۇر- سۇلتان. قازاقپارات - ەلوردادا 12 جەردە قالا تۇرعىندارى ءۇشىن كومىر ساتىلىپ جاتىر. اكىمدىك تۇرعىندارعا جىلۋ بەرۋ ماۋسىمى باستالعانعا دەيىن كومىر ساتىپ الۋعا كەڭەس بەردى، دەپ حابارلايدى قازاقپارات قالا اكىمدىگىنە سىلتەمە جاساپ.

اتاپ ءوتۋ كەرەك، ەلوردا اكىمدىگى كومىر ساتۋمەن اينالىساتىن كومپانيالارمەن، سونىڭ ىشىندە قارا وتىن باعاسىنىڭ وسۋىنە جول بەرمەۋ تۋرالى مەموراندۋمدار جاساستى.

«قالادا 12 جەردە كومىر ساتۋدى قامتاماسىز ەتەتىن 7 كومپانيا بار. اتالعان ورىندارعا قالاعا اكەلىنەتىن كومىردىڭ نەگىزگى بولىگى جەتكىزىلەدى جانە وسى جەردەن كومىر ساۋداسى جۇزەگە اسىرىلادى. قالا اكىمدىگى بارشا تۇرعىنداردى كومىر ساتىپ الۋدى الدىن الا قامتاماسىز ەتۋگە شاقىرادى. كۇن سۋىعاندا كومىردى جۇرتتىڭ ءبارى جاپپاي ساتىپ الاتىندىقتان كەزەك پايدا بوۋلى مۇمكىن. مۇنداي جاعداي بولماس ءۇشىن ءبىز قىركۇيەك ايىنان باستاپ حالىقتى كومىر ساتىپ الۋعا شاقىرامىز»، - دەدى وتىن- ەنەرگەتيكالىق رەسۋرستار ءبولىمىنىڭ باسشىسى ماقسات ەسماعۇلوۆ.

بەلگىلەنگەن باعاعا سايكەس، ەلورداداعى كومىردىڭ ورتاشا قۇنى: شۇباركول تونناسى - 13200 ت گ؛ قاراجىرا تونناسى - 13500 ت گ؛ مايكۇبى تونناسى - 12000 ت گ؛ «بوگاتىر كومىرى» تونناسىنا - 9500 ت گ.

«قازىرگى ۋاقىتتا قويمادا 800 تونناعا جۋىق شۇباركول كومىرى مەن ەكى مىڭ تونناعا جۋىق مايكۇبى كومىرى بار. ەشقانداي كەزەك جوق، نەگىزىنەن كوكتال-1، كوكتال-2 اگروقالاشىق تۇرعىن ءۇي الاپتارىنىڭ حالقى كومىردى بىزدەن ساتىپ الادى، ءبىراق بيىل ولاردىڭ بارلىعى گازعا قوسىلادى. كومىر قىس بويى جەتكىزىلىپ تۇرادى»، - دەدى «بەك- ايدا» ج ك قويما مەڭگەرۋشىسى دۋلات قۇسايىنوۆ.

نۇر- سۇلتاندا كومىردى مىنا ورىنداردان ساتىپ الۋعا بولادى:

- گەرتسەن كوشەسى 4/1-ءۇي - قاراجىرا سورتى؛

- قىرقىنشى ستانسا - قاراجىرا سورتى.؛

- گەرتسەن كوشەس، 6/2-ءۇي - ۇساق بوگاتىر، مايكۇبى، قاراعاندى، جالىن، قاراجىرا، شۇباركول سورتى.؛

- كوكتال، 28/1 - مايكۇبى؛

- ا. جۇبانوۆ كوشەسى 35- ءۇي - شۇباركول؛

- كوكتال، 28/2 - شۇباركول؛

- ج. جابايەۆ كوشەسى، 68 - قاراجىرا سورتى؛

- ماقات كوشەسى، 40 - قاراجىرا سورتى؛

- گەرتسەن كوشەسى، 6 ب - بوگاتىر، قاراجىرا، جالىن، مايكۇبى؛

- قىرقىنشى ستانسا - شۇباركول.

سونداي-اق، 109 ءنومىرى بويىنشا «جەدەل جەلى» قۇرىلدى، ول ارقىلى قالا تۇرعىندارى كومىر ساتاتىن ورىندارداعى قارا وتىن قۇنى مەن قورلارى تۋرالى بىلە الادى. بۇل اقپارات كۇن سايىن جاڭارتىلىپ وتىرادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات