+7 (701) 759 90 19
0 °С : نۇر-سۇلتان
13 °С : الماتى
USD 425.75 EUR 499.32
RUB 5.85 CNY 65.88
جاڭالىقتار

قازاقستاننىڭ م م ا سپورتشىلارى الەم چەمپيوناتىندا 12 مەدال الدى

4 تامىز 22:32
:ءبولىسۋ
قازاقستاننىڭ م م ا سپورتشىلارى الەم چەمپيوناتىندا 12 مەدال الدى

قاراعاندى. قازاقپارات - قازاقستاننىڭ م م ا سپورتشىلارى جاسوسپىرىمدەر اراسىنداعى الەم چەمپيوناتىندا ءبىر التىن، ءۇش كۇمىس جانە سەگىز قولا مەدال جەڭىپ الدى، دەپ حابارلايدى قازاقپارات ءتىلشىسى.

جارىس بولگاريا استاناسىندا 14-15 جانە 16-17 جاس ارالىعىنداعى سپورتشىلار اراسىندا ءوتتى. وعان 23 ەلدەن 300 دەن استام سپورتشى قاتىستى. قازاقستان نامىسىن 29 سپورتشى قورعادى.

«الەم چەمپيوناتىنىڭ قورىتىندىسى بويىنشا قازاقستاندىق كوماندانىڭ ەسەبىندە ءبىر التىن، ءۇش كۇمىس جانە سەگىز قولا جۇلدە بار. بۇل رەتتە توعىز مەدالدى قىز بالالار جەڭىپ الدى. جالعىز «التىندى» باتىس قازاقستان وبلىسىنان رايانا اقداۋلەتوۆا الدى»، - دەپ ءمالىم ەتتى قاراعاندى وبلىسىنىڭ دەنە شىنىقتىرۋ جانە سپورت باسقارماسىنان.

قاراعاندىلىق سپورتشىلار اراسىندا يگور احماتوۆ پەن نيكيتا ليامين الەم چەمپيوناتىنىڭ «قولاسىنا» يە بولدى.

«قاراعاندى وبلىسى م م ا فەدەراتسياسىنىڭ جاس وكىلدەرى ەڭ جوعارى حالىقارالىق دەڭگەيدە لايىقتى ونەر كورسەتكەنىنە قۋانىشتىمىز. نيكيتا ليامين ارالاس جەكپە- جەكپەن ەكى جىلدان از ۋاقىت اينالىسىپ كەلەدى. دەگەنمەن، ءقازىردىڭ وزىندە وسىنداي ناتيجە كورسەتتى. جاسوسپىرىمدەر اراسىنداعى الەم چەمپيوناتىنىڭ قولا جۇلدەگەرى - ازىرگە ونىڭ ەڭ جوعارى ماراپاتى. يگور احماتوۆ تاجىريبەلى كۇرەسكەر. ول قازىردىڭ وزىندە بەدەلدى حالىقارالىق بىرىنشىلىكتەردە، ءبىراق كۇشتىك جەكپە- جەكتىڭ باسقا تۇرلەرى بويىنشا ماراپاتتارعا يە بولعان. م م ا بويىنشا الەم چەمپيوناتىندا يگور ءتورت جەكپە- جەك وتكىزدى. سوڭعىسىندا تورەشىلەر شەشىمىمەن قارسىلاسىنا ەسە جىبەرىپ الدى»، - دەدى قاراعاندى وبلىسى م م ا فەدەراتسياسىنىڭ باسشىسى ۆلاديمير ابروسيموۆ.

جاتتىقتىرۋشى بالالاردىڭ جەڭىسكە دەگەن ۇمتىلىسىن اتاپ ءوتتى جانە ولاردىڭ تالىمگەرلەرىنە جاقسى دايىندىقتارى ءۇشىن العىس ايتتى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات