12-مامىر. قازاقپارات كۇنتىزبەسى
اتاۋلى كۇندەر
حالىقارالىق مەدبيكەلەر كۇنى قىرىم سوعىسى كەزىندە (1853-1856) سانيتارلار جاساقتارىن ۇيىمداستىرىپ، ولارعا باسشىلىق ەتكەن اعىلشىن مەدبيكەسى - فلورەنس نايتينگەيلدىڭ تۋعان كۇنى قۇرمەتىنە وراي اتاپ وتىلەدى. ءار ەكى جىل سايىن حالىقارالىق قىزىل كرەست جانە قىزىل جارتى اي قوزعالىسى ەڭ ۇزدىك 50 مەدبيكەگە فلورەنس نايتينگەيل اتىنداعى مەدالداردى تاپسىرادى.
ەستە قالار وقيعالار
1995 -جىلى كورەيا رەسپۋبليكاسىندا قازاقستان رەسپۋبليكاسىنىڭ ەلشىلىگى اشىلدى.
2003 -جىلى شىمكەنتتەگى اسكەري اۋەجايدا «امۋر» جاڭا راديولوكاتسيالىق قۇرىلعىسىنىڭ تانىستىرىلىمى ءوتتى. ونىڭ ىسكە قوسىلۋىمەن «كازاەروناۆيگاتسيا» ر م م وقو اۋەسىن باقىلاۋ مۇمكىندىگىنە يە بولدى. وعان دەيىن وبلىستىڭ اۋە كەڭىستىگىن تاشكەنت اۋەجايى باقىلاپ وتىراتىن. قۇرىلعى 230 ك م راديۋستا 12000 مەتر بيىكتىككە دەيىنگى كەڭىستىكتى باقىلاۋعا مۇمكىندىك بەرەدى.
2005 -جىلى بەلارۋس رەسپۋبليكاسىنىڭ استاناسى مينسك قالاسىندا ەكىنشى دۇنيەجۇزىلىك سوعىسقا قاتىسقان قازاقستاندىق جاۋىنگەرلەرگە ەسكەرتكىش اشىلدى. اتالمىش ءىس- شارا م. اۋەزوۆ اتىنداعى ورتا مەكتەپتىڭ اۋلاسىندا ءوتتى. سوعىس جىلدارى كەڭەس وداعىنىڭ باتىرى اتانعان 500 قازاقستاندىقتىڭ 70 ءى بەلارۋستى فاشيستىك باسقىنشىلاردان ازات ەتۋ بارىسىندا اتاق العان، سونداي- اق وسى ەلدە 14000 قازاقستاندىق جاۋىنگەر قازا تاپقان.
2007 -جىلى تۇرىكمەنباشى قالاسىندا وتكەن ءۇشجاقتى سامميتتە قازاقستان، رەسەي جانە تۇرىكمەنستان پرەزيدەنتتەرى - نۇرسۇلتان نازاربايەۆ، ۆلاديمير پۋتين جانە گۋربانگۋلى بەردىمۇحامەدوۆ كاسپي گاز قۇبىرىن سالۋ تۋرالى بىرلەسكەن دەكلاراتسيانى قابىلدادى. گاز قۇبىرى كاسپيي جاعالاۋىن بويلاي، قازاقستان مەن رەسەي ارقىلى تۇرىكمەنستان اۋماعى ارقىلى وتەتىن بولىپ مەجەلەندى.
2010 -جىلى ءۇندىستان رەسپۋبليكاسىنىڭ سىرتقى ىستەر ءمينيسترى سوماناحاللي ماللاياح كريشنانىڭ قازاقستان رەسپۋبليكاسىنا ساپارى اياسىندا كەلىسسوزدەر جۇرگىزىلىپ، ساياسي، ەكونوميكالىق جانە گۋمانيتارلىق سالالارداعى قازاقستان- ءۇندىستان ىنتىماقتاستىعىنىڭ ماسەلەلەرى تالقىلاندى. كەلىسسوزدەر ناتيجەسىندە قازاقستان رەسپۋبليكاسى ۇكىمەتى مەن ءۇندىستان ۇكىمەتى اراسىنداعى مادەنيەت، ونەر، مەديا جانە سپورت سالاسىنداعى ىنتىماقتاستىق تۋرالى كەلىسىمگە قول قويىلدى.
2014 -جىلى قازاقستاندا فۋتبولدان ۇلتتىق ستۋدەنتتىك ليگا قۇرىلدى. جوبا اياسىندا ىنتىماقتاستىق تۋرالى ءتيىستى مەموراندۋمعا قازاقستان ءبىلىم مينيسترلىگى مەن ق ر فۋتبول فەدەراتسياسى قول قويدى. جاسالعان مەموراندۋمعا سايكەس تاراپتار بىرلەسىپ قازاقستانداعى ءبىلىم بەرۋ ۇيىمدارىنىڭ اراسىندا وڭىرلىك جانە رەسپۋبليكالىق تۋرنيرلەر وتكىزەدى. سونداي- اق قۇجات ق ر- دا ستۋدەنتتەر مەن وقۋشىلاردى سپورتتىڭ وسى تۇرىنە تارتۋ ارقىلى بۇقارالىق فۋتبولدى دامىتۋدى كوزدەيدى.
2017 -جىلى ماڭعىستاۋ وبلىسىندا العاش رەت ايراقتى- شوماناي اڭعارىندا گەوگليفتەر گالەرەياسى پايدا بولدى. ولاردى ماڭعىستاۋلىق ارحەولوگ اندرەي استافيەۆ قۇراستىردى. ولاردىڭ ولشەمدەرى ءارتۇرلى، ەڭ ۇلكەنى 350 مەترگە 270 مەتر كەلەدى. ەرەكشە نازار اۋداراتىن گەوگليفتەر ەتنواۋىلعا، اداي اتا تاريحي- مادەني ورتالىعىنا، وتپانتاۋعا كەلەتىن تۋريستەر سانىن ارتتىرۋعا سەپتىگىن تيگىزەدى.
2017 -جىلى وسكەمەندە ليتۆا رەسپۋبليكاسىنىڭ كونسۋلدىعى اشىلدى. ول ەكى ەل اراسىنداعى ەكونوميكالىق، مادەني جانە ساياسي بايلانىستى نىعايتۋعا جاعداي جاسايدى. قابانباي باتىر كوشەسى، 91-ۇيدە ورنالاسقان كونسۋلدىقتا كەڭەس بەرۋ جانە اقپاراتتىق كومەك كورسەتىلەدى.
2017 -جىلى قازاقستاندىق ستۋدەنت ادينا حاميتوۆا شۆەتسيانىڭ بەدەلدى «Global Swede Award 2017» سىيلىعىنىڭ لاۋرەاتى اتاندى. سىيلىقتى ەۋروپالىق وداق جانە ساۋدا ىستەرى ءمينيسترى انن ليندە تابىس ەتتى.