الماتى وبلىسىندا 12-ساۋىردەن باستاپ كارانتين شارالارى كۇشەيتىلەدى

الماتى وبلىسى. قازاقپارات - الماتى وبلىسىنىڭ باس مەملەكەتتىك سانيتاريالىق دارىگەرىنىڭ «الماتى وبلىسىنىڭ اۋماعىندا كارانتين رەجيمى جانە كەيبىر شەكتەۋ شارالارىن كۇشەيتۋ تۋرالى» جاڭا قاۋلىسى جاريالاندى، دەپ حابارلايدى قازاقپارات.

قۇجاتقا سايكەس، 12-ساۋىردەن باستاپ كەلەسى شەكتەۋ شارالارىن ەنگىزۋ جوسپارلانىپ وتىر: بۇعان دەيىن قابىلدانعان شارالاردان باسقا، قوسىمشا:

- بانكەت زالدارى؛ - تەاتر، كينوتەاترلار؛ - وبلىسارالىق/قالالارالىق/اۋدانارالىق تۇراقتى ەمەس (تۋريستىك) اۆتوبۋستار (ميكرواۆتوبۋس) تاسىمال قوزعالىسى، - وبلىسارالىق (قالالارالىق) اۋدانارالىق تۇراقتى اۆتوبۋستار (ميكرواۆتوبۋس) قوزعالىسى، - سپورتتىق شارالار، سونىڭ ىشىندە چەمپيوناتتار، اۋدان، وبلىس جانە رەسپۋبليكالىق دەڭگەيدەگى جارىستار وتكىزۋگە، - ءبىلىم ورتالىقتارىنان باسقا، سپورتتىق، بي، گيمناستيكالىق جانە وسىعان ۇقساس سەكتسيالار مەن ۇيىرمەلەر، - مادەنيەت نىساندارى (مۇراجايلار، مادەنيەت ۇيلەرى، كونتسەرت زالدارى جانە ت. ب. )، - قۇرىلىس ماتەريالدارى، اۋىلشارۋاشىلىق تەحنيكاسى مەن جابدىقتارىن ساتۋمەن اينالىساتىن نىسانداردان باسقا، اۋماعى 2000 شارشى مەتردەن كوپ، ازىق-تۇلىك ساتپايتىن (بولەك تۇرعان) دۇكەندەر قىزمەتىنە تىيىم سالىنادى.

اۆتور: زارينا تۋعانبايەۆا