ەلوردادا كوروناۆيرۋس جۇقتىرعاندار ءبىر اپتادا 12 پايىزعا ءوستى
بۇل تۋرالى نۇر-سۇلتان قالاسىنىڭ باس مەملەكەتتىك سانيتار دارىگەرىنىڭ ورىنباسارى جاننا پراليەۆا ونلاين بريفينگىدە ايتتى.
«نۇر-سۇلتان قالاسىندا كوروناۆيرۋستىق ينفەكسيا بويىنشا ەپيدەميولوگيالىق جاعداي تۇراقسىز بولىپ تۇر. جاعدايدى باعالاۋ ماتريتساسى بويىنشا قالامىز 1 اي بويى قىزىل ايماقتا تۇر. كۇنىنە 350 دەن 580 گە دەيىن جاعداي تىركەلەدى. سوڭعى اپتادا سىرقاتتانۋ كورسەتكىشتەرى الدىڭعى اپتانىڭ دەڭگەيىنەن 12 پايىزعا جوعارى. 100 مىڭ تۇرعىنعا شاققاندا قارقىندى كورسەتكىش 250,8 دى قۇرايدى، رەپرودۋكتيۆتىك سان 1 دەن اسادى»، - دەدى مامان. ول، سونداي-اق، سىرقتتانۋ كورسەتكىشى اسىرەسە ەرەسەكتەردىڭ اراسىندا كوپ ەكەنىنە توقتالدى.
«اعىمداعى جىلدىڭ باسىنان بەرى قالا بويىنشا سىرقاتتانعاندار سانى 15 مىڭنان استى. پاندەميا باستالعالى 34453 جاعداي تىركەلدى. ونىڭ ىشىندە 22254 سيمپتومدارى بار جانە 12199 سيپتومسىز. سوڭعى تاۋلىكتە 446 باستاپقى جاعداي تىركەلدى. ونىڭ ىشىندە سيمپتومدارى بار 297 جاعداي، 149 سيمپتومسىز جاعداي. جاس قۇرىلىمى بويىنشا سىرقاتتانۋدىڭ ەڭ جوعارى دەڭگەيگى ەرەسەكتەر اراسىندا تىركەلەدى. ولار جالپى سىرقاتتانۋشىلىقتىڭ 80 پايىزىن قۇرايدى»، - دەگەن باس سانيتاردىڭ ورىنباسارى سوڭعى اپتادا نۇر-سۇلتان قالاسى بويىنشا ەگدە جاستاعى سىرقاتتانۋشىلاردىڭ سانى ارتقانىن ءمالىم ەتتى.
«سىرقتا تانۋ كورسەتكىشىندە بالالاردىڭ ۇلەسى 17 پايىز جانە جاسوسپىرىمدەر 3 پايىزدى قۇرايدى. سونداي-اق، ەرەسەكتەر اراسىندا 30-39 جاس ارالىعىنداعى ادامدار ينفەكتسياعا وتە سەزىمتال. ولار ەرەسەكتەردىڭ جالپى سىرقاتتانۋ قۇرىلىمىندا 24 پايىزدى قۇرايدى. سوڭعى اپتا ەگدە جاستاعى ادامداردىڭ اراسىندا سىرقاتتانۋدىڭ 2 پايىزعا ءوسۋى بايقالادى»، - دەدى جاننا پراليەۆا.
اۆتور: ەسىمجان ناقتىباي