+7 (701) 759 90 19
16 °С : نۇر-سۇلتان
14 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قازاقپارات كۇنتىزبەسى: 12- تامىز

12 تامىز 07:33
:ءبولىسۋ
قازاقپارات كۇنتىزبەسى: 12- تامىز

نۇر-سۇلتان. قازاقپارات - قازاقپارات وقىرماندارىنا 2020-جىلعى 12- تامىزعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق جاستار كۇنى

ب ۇ ۇ باس اسسامبلەياسىنىڭ قارارىنا سايكەس، 1999-جىلعى جەلتوقساننىڭ 17 نەن باستاپ اتاپ وتىلەدى (ليسسابون، 1998-جىلعى تامىزدىڭ 8 ءى مەن 12 ءى ارالىعى).

ەستە قالار وقيعالار

1970-جىلى الماتىدا قازاق سيركىنىڭ عيماراتى سالىنىپ ءبىتتى.

1991 -جىلى قازاق سيركى «وداقمەمتسيرك» قۇرامىنان شىقتى.

1971 -جىلى ىرگەتاسى 1950-جىلى قالانعان ليساكوۆ ەلدى مەكەنىنە قالا مارتەبەسى بەرىلدى.

2010 -جىلى قازاقستاننىڭ ۇلتتىق مۇراعاتى قازاقستاننىڭ اتا زاڭى - ق ر كونستيتۋتسياسىنىڭ تاريحى تۋرالى دەرەكتى كورمەنى وتكىزدى. مۇراعات قۇجاتتارى مەن ماتەريالدارىنىڭ نەگىزىندە ۇيىمداستىرىلعان كورمە قازاقستان كونستيتۋتسياسىن دايىنداۋ جانە قابىلداۋ تاريحىمەن تانىستىردى.

2012 -جىلى لوندونداعى 30-جازعى وليمپيادا ويىندارىندا بوكستان 69 كەلىگە دەيىنگى سالماق دارەجەسىندە سەرىك ساپيەۆ قازاقستان قۇراماسى قورجىنىنا كەزەكتى التىن مەدالدى سالدى. سونىمەن قاتار 81 كەلى سالماق دارەجەسىندە قازاقستاندىق بوكسشى ادىلبەك نيازىمبەتوۆ «كۇمىس» جۇلدە جەڭىپ الدى. سونداي-اق بۇل كۇنى ەركىن كۇرەس بويىنشا قازاقستاندىق بالۋان اقجۇرەك تاڭاتاروۆ وليمپيادا ويىندارىندا قولا جۇلدە يەگەرى اتاندى.

2013-جىلى مونرەالدا 23-دۇنيەجۇزىلىك تاۋ كونگرەسىنىڭ وتىرىسى بولىپ ءوتتى، ونىڭ كۇن تارتىبىندەگى بولىمدەردىڭ ءبىرى قازاقستان رەسپۋبليكاسىنىڭ 2018-جىلى استانادا 25-دۇنيەجۇزىلىك تاۋ كونگرەسىن وتكىزۋ ءوتىنىمى بولعان. كونگرەستىڭ ۇيىمداستىرۋ كوميتەتىنىڭ مۇشەلەرى قازاقستان ءوتىنىمىن ءبىراۋىزدان قولدادى.

2013 -جىلى ءا. مارعۇلان اتىنداعى ارحەولوگيا ينستيتۋتىنىڭ ماماندارى وڭتۇستىك قازاقستانداعى ەجەلگى كۇلتوبە قالاشىعىندا قازبا جۇمىستارىن جۇرگىزۋ كەزىندە ءبىزدىڭ ءداۋىرىمىزدىڭ ءبىرىنشى عاسىرلارىندا سالىنعان بىرەگەي ساۋلەت كەشەنىن تاپتى. قازبا ورىندارىندا ارحەولوگتار سونداي-اق جەبە ۇشتارىن، قولا بۇيىمدارى جانە قىش قالدىقتارىن تاپقان.

2016 -جىلى وتاندىق بالەت جۇلدىزى، «Astana Opera» تەاترىنىڭ ءسوليسى باحتيار ادامجان سەۋلدە (كورەيا رەسپۋبليكاسى) XIII حالىقارالىق بي بايقاۋىندا جەڭىسكە جەتتى.

2017 -جىلى ق ر ىشكى ىستەر مينيسترلىگى كولىكتەگى ىشكى ىستەر دەپارتامەنتىنىڭ قىزمەتكەرى پوليتسيا پودپولكوۆنيگى تالعات قوجابايەۆ لوس- اندجەلەستە (ا ق ش) 67 مەملەكەتتىڭ پوليتسەيلەرى اراسىندا وتكەن بۇكىل الەمدىك ويىنداردىڭ كۇمىس جۇلدەگەرى اتاندى.

تالعات قوجابايەۆ - حالىقارالىق دارەجەدەگى سپورت شەبەرى، كۇش قۇرىلىمدارى اراسىندا ءۇش دۇركىن الەم چەمپيونى، قازاق كۇرەسى، سامبودان جانە دزيۋدودان بىرنەشە مارتە چەمپيون.

2017 -جىلى ا ق ش- تىڭ كاليفورنيا شتاتىندا وتكەن Technovation Challenge بايقاۋىنىڭ باس جۇلدەسىن يەلەنگەن قازاقستاندىق وقۋشى قىزدار وزدەرىنىڭ جوبالارىن Google كورپوراتسياسىنىڭ ديرەكتورى سۋندار پيچايگە تانىستىردى.

2018 -جىلى اقتاۋدا كاسپي ماڭى ەلدەرى باسشىلارىنىڭ V ءسامميتى ءوتتى. وندا كاسپي تەڭىزىنىڭ قۇقىقتىق مارتەبەسى، كاسپيدەگى ەكونوميكا، كولىك-لوگيستيكالىق، ەكولوگيا جانە قاۋىپسىزدىك سالاسىنداعى ىنتىماقتاستىق ماسەلەلەر تالقىعا ءتۇستى.

سامميت ناتيجەسىندە كاسپيي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويىلدى. قۇجات جوباسىندا تەڭىز اكۆاتورياسىن، سۋ تۇبىندەگى ۇلتتىق سەكتورلاردى ءبولۋ، اسكەري ىنتىماقتاستىق جانە بيولوگيالىق رەسۋرستاردى، سۋ ءتۇبى جانە قويناۋىن يگەرۋدى قامتيتىن شارۋاشىلىق-ەكونوميكالىق سالا، كەمە قاتىناسى، قورشاعان ورتانى قورعاۋ ماسەلەلەرى بەكىتىلدى.

اقتاۋ سامميتىنىڭ قورىتىندى قۇجاتىنا قازاقستان پرەزيدەنتى نۇرسۇلتان نازاربايەۆ، ازەربايجان باسشىسى يلحام اليەۆ، يران پرەزيدەنتى حاسان روۋحاني، رەسەي پرەزيدەنتى ۆلاديمير پۋتين جانە تۇرىكمەنستان باسشىسى گۋربانگۋلى بەردىمۇحامەدوۆ قول قويدى.

2019 -جىلى تۇرىكمەنباشى قالاسىنان 12 شاقىرىم جەردە ورنالاسقان «اۆازا» ۇلتتىق تۋريستىك ايماعىنداعى كونگرەسس ورتالىقتا ق ر پرەمەر-ءمينيسترى اسقار ءماميننىڭ قاتىسۋىمەن 1- كاسپي ەكونوميكالىق فورۋمى ءوتتى.

فورۋمنىڭ جۇمىسى بارىسىندا اسقار مامين كاسپيي ماڭى مەملەكەتتەرىنىڭ ساۋدا- ينۆەستيتسيالىق، كولىك، ەنەرگەتيكا، تۋريزم جانە ەكولوگيا سالالارىنداعى ءوزارا ءتيىمدى ىنتىماقتاستىعىن جانداندىرۋعا قاجەت ءبىرقاتار باستامانى ۇسىندى. قازاقستان تاراپى كاسپي تەڭىزىنىڭ ەكوجۇيەسىن ساقتاۋ جۇمىستارىن كۇشەيتۋ قاجەتتىگىنە باسا كوڭىل ءبولدى.

قازاقستاندا قۇرىلعان حالىقارالىق جاسىل تەحنولوگيالار مەن ينۆەستيتسيالىق جوبالار ورتالىعى تازا تەحنولوگيالاردى ەنگىزۋدىڭ تابىستى پلاتفورماسىنا اينالا الادى.

2019-جىلى مەديتسينا قىزمەتىنىڭ اعا لەيتەنانتى اقبوپە تاڭاتاروۆا وزبەكستانداعى «فوريش» پوليگونىندا وتكەن «اسكەري-مەديتسينالىق ەستافەتا» سايىسىندا ايەلدەر اراسىندا «جەكە شەبەرلىك» نوميناتسياسى بويىنشا ءبىرىنشى ورىنعا يە بولدى. اسكەري مەديتسينا قىزمەتكەرلەرىنىڭ جارىسىنا ازەربايجان، انگولا، ارمەنيا، بەلارۋس، ۆەتنام، زيمبابۆە، قازاقستان، ميانما، رەسەي، تاجىكستان جانە وزبەكستان سياقتى 11 مەملەكەت قاتىستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات