قازگيدرومەت: تامىزدىڭ 12 ءسى كۇنگى اۋا رايى بولجامى

None
None
نۇر-سۇلتان. قازاقپارات - «قازگيدرومەت» ر م ك- سى تامىزدىڭ 12 ءسى كۇنگى اۋا رايى بولجامىن جاريا ەتتى، دەپ حابارلايدى قازاقپارات.

كاسىپورىن تاراتقان مالىمەتتەرگە قاراعاندا، سولتۇستىك شىعىستان جىلجيتىن وڭتۇستىك تسيكلون جانە ونىمەن بايلانىستى فرونتالدى بولىكتەردىڭ ىقپالىمەن قازاقستان تەرريتورياسىنىڭ باسىم بولىگىندە اۋا رايى قۇبىلىپ تۇرادى. كەي جەرلەردە نايزاعاي ويناپ جاڭبىر جاۋسا، سولتۇستىكتە نوسەرلەتەدى. داۋىل تۇرىپ، بۇرشاق جاۋۋى دا ىقتيمال.

رەسپۋبليكانىڭ كەي جەرلەرىندە جەل كۇشەيىپ، وڭتۇستىكتە جانە وڭتۇستىك-باتىستا شاڭدى داۋىل تۇرادى. سولتۇستىك-باتىستا تۇمان تۇسەدى.

اقمولا، سولتۇستىك قازاقستان، قاراعاندى، پاۆلودار، شىعىس قازاقستان وبلىستارىنىڭ كەي جەرلەرىندە داۋىل تۇرىپ، جەل سەكۋندىنا 15-25 مەتر جىلدامدىقپەن ۇيتقىپ، بۇرشاق جاۋۋى ىقتيمال.

الماتى، كۇندىز جامبىل، اقتوبە وبلىستارىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن سوعادى.

كۇندىز قىزىلوردا، ماڭعىستاۋ وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەتر بولادى.

قوستاناي وبلىسىنىڭ كەي جەرلەرىندە جەلدىڭ جىلدامدىعى سەكۋندىنا 18 مەترگە جەتەدى. تۇندە جانە تاڭەرتەڭ تۇمان تۇسەدى.

قىزىلوردا، تۇركىستان وبلىستارىنىڭ باسىم بولىگىندە، جامبىل، الماتى، قاراعاندى، اتىراۋ، اقتوبە وبلىستارىنىڭ كەي جەرلەرىندە ءورت قاۋپى ساقتالادى.

سوڭعى جاڭالىقتار