16:43, 29 - ماۋسىم 2020 | GMT +6
قىتايدا تابيعات اپاتى سالدارىنان 12 ادام مەرت بولدى
چىڭدۋ. قازاقپارات - قىتايدىڭ وڭتۇستىك- باتىسىنداعى سىچۋان پروۆينسياسىنىڭ مياننين ۋەزىندە بولعان نوسەر جاۋىن سالدارىنان 12 ادام قازا تاۋىپ، 10 ادام ءىز-ءتۇسسىز جوعالدى.
بۇل تۋرالى قازاقپارات Xinhua اگەنتتىگىنە سىلتەمە جاساپ حابارلايدى.
نوسەر جاۋىن سالدارىنان يحاي قالاشىعىندا سۋ تاسقىنى بولدى. جەرگىلىكتى بيلىكتىڭ مالىمەتىنشە، وندا 10 ادام قازا تاۋىپ، تاعى جەتەۋى جوعالىپ كەتكەن. گاوياندا ەكى ادام مەرت بولىپ، ءۇش ادام ءىز- ءتۇسسىز جوعالعان. يحايا مەن گاوياندا تولاسسىز جاۋعان جاڭبىر سالدارىنان 9880 نەن استام ادام زارداپ شەكتى. تابيعات اپات سالدارىنان جولدار شايىلىپ، ۇيلەر مەن ەگىستىكتەر زارداپ شەكتى. بارلىعى 7705 ادام قاۋىپسىز جەرگە كوشىرىلدى. ادامداردى قۇتقارۋ جانە كومەك كورسەتۋ بويىنشا جۇمىستار جالعاستىرىلۋدا.