وتكەن اپتادا 12 شەنەۋنىك ۇستالدى - سىبايلاس جەمقورلىققا قارسى قىزمەت اگەنتتىگى
«وتكەن اپتادا ق ر سىبايلاس جەمقورلىققا قارسى قىزمەت 100 سوتقا دەيىنگى تەرگەۋ امالىن تىركەدى. 12 شەنەۋنىك ۇستالدى. 15-كە جۋىق قىلمىستىق وقيعا ءبىرقاتار وبلىستارداعى جەرگىلىكتى اتقارۋشى ورگانداردا، اتاپ ايتقاندا جەر قاتىناستارى جانە قۇرىلىس، دەنساۋلىق ساقتاۋ سالاسىندا بولعان. ماڭعىستاۋ، سولتۇستىك قازاقستان جانە شىعىس قازاقستان وبلىستارىندا ءبىلىم بەرۋ سالاسىندا سوتقا دەيىنگى سەگىز تەرگەۋ تىركەلدى»، - دەيدى ق ر سىبايلاس جەمقورلىققا قارسى ءىس- قيمىل اگەنتتىگى سەرىكتەستىك دەپارتامەنتىنىڭ ساراپشىسى سىرىم ەلۋبايەۆ.
ونىڭ ايتۋىنشا، ىشكى ىستەر ورگاندارىنىڭ قىزمەتكەرلەرىنە، ونىڭ ىشىندە قىلمىستىق- اتقارۋ جۇيەسى سالاسىنداعى ءىس- ارەكەتتەرگە قاتىستى، اقتوبە، قاراعاندى، اتىراۋ، قوستاناي، تۇركىستان، پاۆلودار، شىعىس قازاقستان جانە باتىس قازاقستان وبلىستارىندا 30-عا جۋىق سوتقا دەيىنگى تەرگەۋ امالدارى ءجۇرىپ جاتىر.
«ال سولتۇستىك قازاقستان جانە اتىراۋ وبلىستارىندا كولىكتىك باقىلاۋ سالاسىنداعى سوتقا دەيىنگى تەرگەۋلەر تىركەلدى. وتكەن اپتادا 11 سوت ۇكىمى شىعارىلدى، ولاردىڭ ەكەۋى توتەنشە جاعداي كەزىندە كارانتين رەجيمىن بۇزعانى ءۇشىن پارا الۋ بويىنشا. پارا بەرگەن ءۇش مەملەكەتتىك مەكەمەنىڭ باسشىسى، ءبىر سۋديا، ءار ءتۇرلى دەڭگەيدەگى ەكى اكىم، اكىمدىكتەردىڭ ەكى باس مامانى، ىشكى ىستەر ورگاندارىنىڭ ءبىر قىزمەتكەرى جانە ەكى ادام سوتتالدى»، - دەپ اتاپ ءوتتى ول.
اۆتور: زارينا قاھارمان