تالدىقورعاندا ۆيرۋس 12 ادامنان انىقتالدى
وبلىس ورتالىعىنداعى ىندەتكە شالدىققاندار سانى 28 ادامعا جەتتى. ولاردىڭ ءبىر دە ءبىرى وكپەنى جاساندى تىنىس الدىرۋ اپپاراتىنا قوسىلماعان. ناۋقاستاردىڭ جاعدايى ءبىر قالىپتى.
دەگەنمەن ەل ىشىندە ءتۇرلى الىپقاشپا اڭگىمەلەردىڭ تاراپ جاتقانى دا جاسىرىن ەمەس. توتەنشە جاعداي الىنعانىمەن، قالادا كارانتين ءالى اياقتالعان جوق. قانداي دا ءبىر قوسىمشا شارالار ۆەدومستۆو ارالىق كوميسسيانىڭ شەشىمىمەن قابىلدانادى. ال پوليتسيا ازاماتتارعا ەسكەرتۋ جاساۋمەن عانا شەكتەلەدى. ءبىر وبلىستان ەكىنشى وبلىستىڭ اۋماعىنا ساپارلاپ شىققىسى كەلەتىن تۇرعىنداردىڭ قولىندا كوروناۆيرۋس ينفەكسياسىنا تاپسىرعان تەست قورىتىندىسى بولۋى كەرەك.
اسحات چاراپيەۆ، وبلىستىق تاۋارلار جانە قىزمەتتەر ساپاسىن باقىلاۋ دەپارتامەنتى باسشىسىنىڭ ورىنباسارى:
- بۇگىندە تىركەلگەنى 12 ادام. ولار اسكەري گوسپيتالدىڭ ينفەكسيالىق بولىمشەسىنە ورنالاستىرىلعان. ءتيىستى ەم قابىلداۋدا. ولارمەن قارىم- قاتىناستا بولعان ادامداردىڭ بارلىعى وقشاۋلانعان. قالانىڭ جابىلۋى بويىنشا ۆەدومستۆوارالىق كوميسسيادا قارالادى. ءبىراق ەندى ايتا كەتەتىن جاعداي بىزدە كارانتيندىك شارالار ازايتىلعان جوق.