قازاقستاندا اۋە بيلەتىنىڭ باعاسى 12 پايىزعا ارزاندادى
بۇل تۋرالى يندۋستريا جانە ينفراقۇرىلىمدى دامىتۋ مينيسترلىگىنىڭ القا ماجىلىسىندە بەلگىلى بولدى.
مۇنداي كورسەتكىشتەر نەگىزىنەن ءبىرىنشى قازاقستاندىق ارزان اۋە كومپانياسىنىڭ اشىلۋىمەن بايلانىستى. ولار 900 مىڭعا جۋىق بيلەت ساتقان.
قازاقستاندىقتاردىڭ اۋە كولىگىمەن ءجيى ۇشۋى ءۇشىن بيىلعى جىلى ارزان اۋە كومپانيالارى ءۇشىن تاعى التى جاڭا بورت ساتىپ الىنادى.
بارلىق ايماقتار قامتىلادى. قاراعاندى، اقتوبە سياقتى بازالىق اۋەجايلار اشىلادى. جاڭا باعىتتار ازىرلەنۋدە. نۇر- سۇلتان - جۋكوۆسكي باعىتى جاڭا جىلعا دەيىن اشىق، - دەدى يندۋستريا جانە ينفراقۇرىلىمدى دامىتۋ ۆيتسە- ءمينيسترى بەرىك كاماليەۆ.
اۋە تاسىمالىمەن اينالىساتىن كومپانيالاردىڭ مالىمەتىنشە، بيلەت باعاسىنىڭ ارزانداۋى ىشكى اۋە رەيستەرىنە سۇرانىستىڭ كوبەيۋىنەن.
اۆياكومپانيالاردىڭ ارزان تاريفتەرى وتە باسەكەگە قابىلەتتى. پايدالانۋ باستالعاننان بەرى ساتىلعان بيلەتتەردىڭ كوپشىلىگىنىڭ قۇنى 13 مىڭ تەڭگەدەن تومەن بولدى. ەڭ ماڭىزدى ناتيجە - كومپانيالار توبى ءۇشىن جولاۋشىلار اعىنىنىڭ جالپى كولەمى 62 پايىزدى قۇرادى. قازاقستاندا قازىر اۋە كومپانياسىنىڭ ىشكى اۋە تاسىمالى جىلدام دامىپ كەلە جاتىر، - دەدى اۋە كومپانياسىنىڭ پرەزيدەنتى پيتەر فوستەر.