قازگيدرومەت: جەلتوقساننىڭ 12 سى كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، جەلتوقساننىڭ 12 سى كۇنى رەسپۋبليكانىڭ كەي جەرلەرىندە جاۋىن-شاشىن بولادى.
تەك قازاقستاننىڭ شىعىس جانە وڭتۇستىك- شىعىسىندا عانا انتيتسيكلوننىڭ ىقپالىمەن كۇن جاۋىن- شاشىنسىز بولادى. رەسپۋبليكامىزدىڭ كەي جەرلەرىندە تۇمان ءتۇسىپ، كوكتايعاق بولىپ، جەل كۇشەيەدى، بۇرقاسىن بولادى.
سولتۇستىك قازاقستان، قوستاناي، اقمولا وبلىستارىنىڭ كەي جەرلەرىندە بۇرقاسىن، تۇمان، كوكتايعاق بولىپ، جەل سەكۋندىنا 15-20 م/س جىلدامدىقپەن سوعادى.
جامبىل، باتىس قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەلدىڭ جىلدامدىعى سەكۋندىنا 15-20 مەترگە جەتەدى.
الماتى وبلىسىنىڭ ءبىرقاتار اۋماقتارىندا تۇندە جانە تاڭەرتەڭ تۇمان ءتۇسىپ، كۇندىز جالاڭاشكول اۋدانىندا جەل سەكۋندىنا 15-20 مەتر جىلدامدىقپەن سوعۋى ىقتيمال.
تۇركىستان وبلىسىنىڭ باسىم بولىگىندە تۇمان تۇسەدى.
قىزىلوردا، ماڭعىستاۋ، اتىراۋ، اقتوبە، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.