پوليتسەيلەر 12 كۇن بويى شولدە اداسقان ايەلدى قۇتقاردى

None
None
 نۇر- سۇلتان. قازاقپارات - اۆستراليا پوليتسياسى 12 كۇن بويى شولدە اپتاپ ىستىق استىندا قالعان ايەلدى قۇتقاردى، دەپ حابارلايدى ВВС.

ونىڭ ءتىرى قالۋىنا وزىمەن بىرگە الا كەتكەن ازىق- تۇلىگىنىڭ سەپتىگى تيگەن. ابىروي بولعانداا تاماق پەن سۋ تاۋسىلعان كەزدە ايەل مەن قاسىنداعى ەكى سەرىگىنە جاڭبىردان كەيىن قالعان سۋاتتى تابۋدىڭ ءساتى تۇسكەن.

ءبىراق اۆستراليالىقپەن بىرگە ەرىپ جۇرگەن ەكى ەر ادامدى 13 كۇننەن بەرى تابا الماي جاتىر.

52 جاستاعى ماكبيت- رايلي مەن ونىڭ ەكى سەرىگى - فۋ تران جانە كلەر حوكسريدج 19 - قاراشادا اۆستراليانىڭ سولتۇستىك اۋماعىندا ورنالاسقان شاعىن ەليس- سپرينگس قالاسىنان ساپارلاۋعا شىققان.

ولار شولگە جول تارتقان. ءبىراق اياق استىنان اۆتوموبيلدەرى سۋى تارتىلعان وزەندە باتپاققا باتىپ قالادى.

تامرا ماكبيت- رايلي جۋرناليستەرگە العاشقى ءۇش كۇن بويى قانشا ارەكەت جاساعاندارىمەن ماشينانى شىعارا الماعاندىقتارىن ايتتى.» كۇندىز وتە ىستىق بولدى. ءبىز اۆتوموبيلدىڭ استىنداعى قۇمدى قازىپ، اپتاپتان قورعانۋعا تىرىستىق»، - دەدى ول.

ساياحاتشىلاردىڭ التى ليتر سۋى، پەچەنەسى جانە ەت سالىنعان كەسپەسى بولعان. تاماقتارى تاۋسىلعان سوڭ ولار امال جوق سۋ ىزدەۋگە بەل بۋادى. بي- بي- سي كورپوراتسياسىنىڭ حابارلاۋىنشا، الگىلەر وزدەرىنىڭ قاي باعىتقا بەت العاندىقتارىن جازىپ، ماشيناعا قالدىرىپ كەتكەن. اۆستراليانىڭ سولتۇستىك تەرريتورياسىنىڭ پوليتسياسى جوعالعان ساياحاتشىلاردى ىزدەۋگە تىكۇشاق جىبەردى. ولار ماكبيت- رايليدى ماشينادان ءبىرجارىم شاقىرىمداي جەردەن تاپتى. ايەل شۇعىل اۋرۋحاناعا جەتكىزىلدى. ونىڭ قالعان ەكى سەرىگىن ىزدەۋ جۇمىستارى جالعاسۋدا.

سوڭعى جاڭالىقتار